कोशी प्रदेश पर्यटन वर्ष : खर्चमाथि प्रश्न, स्पष्टता माग

Share this
763shares
मुलुकी खबर
मुलुकी खबर
clock२०८२ साउन ३०, शुक्रबार १७:२४

विराटनगर । कोशी प्रदेश सरकारले आयोजना गरेको कोशी प्रदेश पर्यटन वर्ष, २०८२ को खर्च र व्यवस्थापनमाथि प्रश्न उठेको छ ।

उद्योग, वन तथा वातावरण समितिको साउन २२ गतेको बैठकमा सांसदहरूले कार्यक्रमको १० करोड रुपैयाँ खर्च, कार्यविधि र यसको उपलब्धिको बारेमा स्पष्टता मागेका हुन् । पर्यटन, वन तथा वातावरण मन्त्रालयका सचिव विशाल घिमिरेले दिएको जानकारी अनुसार पर्यटन वर्षका लागि १० करोड रुपैयाँ बजेट विनियोजन गरिएको थियो ।

यसका लागि मुख्यमन्त्री हिक्मतकुमार कार्कीको संयोजकत्वमा मूल आयोजक समिति र १५ सदस्यीय निर्देशन समिति गठन गरिएको थियो । तर, समितिका सदस्यहरूले खर्चमा पारदर्शिताको कमी भएको आरोप लगाएका छन् ।

नेकपा (माओवादी केन्द्र)का सांसद गणेश उप्रेतीले आर्थिक वर्ष सकिएपछि होटलका बिलहरू नगदमा भुक्तानी भएको भन्दै यो प्रचलन नरहेको बताए । नेपाली कांग्रेसका प्रमुख सचेतक गोपाल तामाङले भारतबाट आउने पर्यटकका गाडीमा ५ सय रुपैयाँको स्टिकर लगाउँदा नकारात्मक प्रभाव परेको र पर्यटक घटेको आरोप लगाए । उनले होटल व्यवसायीलाई गरिएको भुक्तानीमाथि पनि प्रश्न उठाए ।

सांसदहरूले पर्यटन वर्षमा भएको करोडौं खर्चपछि पर्यटकको संख्या कति बढ्यो भन्ने तथ्यांक सार्वजनिक गर्न पनि माग गरेका छन् । बैठकमा प्रदेशका पर्यटन, वन तथा वातावरण मन्त्री सदानन्द मण्डलले पर्यटन वर्ष नयाँ अनुभव भएकोले काममा ढिलाइ भएको स्वीकार गरे ।

उनले ढिलाइ भएकै कारण होटलहरूलाई भुक्तानी गर्न पनि ढिलो भएको स्पष्ट पारे । उनले वित्तीय अनुशासन कायम गर्न मन्त्रालयमा सुधार गर्ने प्रतिबद्धता पनि व्यक्त गरेका छन् ।

बैठकले सदनमा उठेका प्रश्न र सुझावका आधारमा पर्यटन वर्षको पारदर्शिता एवं उपलब्धिको विषयमा थप अध्ययन आवश्यक रहेको निष्कर्ष निकालेको छ ।

तपाइको प्रतिक्रिया
शीर्ष नेताको सम्बोधन, रित्तो दर्शक दीर्घा: मोरङमा कांग्रेस इतर पक्षको अधिवेशन
बहिरा फुटबल टोली दक्षिण कोरिया जाने
मत्स्यपोखरीमा चार दिन पर्यटन, संस्कृति र साहित्यको उत्सव
राप्रपामा अध्यक्षका लागि आधा दर्जन नेताको दौडधुप, लिङ्देनलाई चुनौती
लुम्बिनीले टस जितेर बलिङ रोज्दा सुदूरपश्चिम पहिले ब्याटिङ गर्दै
विराटनगरमा कर दिवस मनाइयो, करदातामैत्री प्रणालीमा जोड
प्रहरीको नाममा भ्रामक सूचना फैलाउने दुई जना नियन्त्रणमा पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
नोबेल मेडिकल कलेज छैटौँ पटक उत्कृष्ट करदाता सम्मानबाट सम्मानित
रुसी खगोल विज्ञान ओलम्पियाडमा एभरेस्टकी स्नेहालाई कांस्य
© 2024 Muluki Khabar. All Rights Reserved. Design & Develop By: Indesign Media Pvt. Ltd.