धरानमा एमालेको बहिष्कार, बजेट पारित भएको एकलौटी घोषणा

Share this
753shares
मुलुकी खबर
मुलुकी खबर
clock२०८२ भदौ १५, आइतबार १६:३५

विराटनगर । लामो समयदेखि आन्तरिक किचलोमा अल्झिएको धरान उपमहानगरपालिकाको बजेट एमालेको बहिष्कारबीच अल्पमतमै पारित भएको घोषणा मेयर हर्क साम्पाङ (हर्कराज राई)ले गरेका छन् ।

संवैधानिक रूपमा असार १० भित्र बजेट ल्याउनुपर्ने भए पनि २ महिना ढिलो गरेर शुक्रबार बजेट प्रस्तुत गरिएको भए पनि कार्यपालिकामा सहमति जुट्न सकेन । त्यसपछि मेयर साम्पाङ, उपमेयर आइन्द्रविक्रम बेघा, नेपाली कांग्रेस, नेकपा (माओवादी केन्द्र) र राप्रपाका जनप्रतिनिधिहरूको समर्थनमा बजेट अनुमोदन भएको घोषणा गरियो ।

एमालेका नगर सचेतक अनुप देवान र वडा नम्बर १० का अध्यक्ष विवेक राईले बजेट पुनर्लेखन गर्नुपर्ने मागसहित ५ बुँदे पत्र बुझाएर बैठक बहिष्कार गरेका थिए । एमालेका १५ जन कार्यपालिका सदस्य बाहिरिएपछि बाँकी ११ जनाको उपस्थितिमा मेयरले बजेट अनुमोदन भएको दाबी गरेका छन् ।

उपमेयर बेघाले अब सिलिङका आधारमा बजेट ‘ब्रेकडाउन’ गरेर अर्को कार्यपालिका बैठकमा पेस गरी नगरसभाबाट पारित गरिने बताए । तर, एमालेले घाटा बजेट र मनपरी कर वृद्धिको कारण स्वीकार गर्न नसकिने प्रष्ट पारेको छ ।

बजेट सिलिङ समिति सदस्यसमेत रहेकी एमाले नगर संसदीय दलकी प्रमुख सावित्री परियारले स्रोत अनुमान समिति र राजश्व परामर्श समितिको सुझाव विपरीत २ अर्ब २० करोडको घाटा बजेट ल्याइएको आरोप लगाइन् । ‘करको दर अत्यधिक बढाइएको छ । हाम्रा असहमति नसमेटी सहमतिमा हस्ताक्षर गरियो भनेर गलत प्रचार गरिएको छ,’ उनले भनिन् ।

धरान–१३ का वडाध्यक्ष नेत्र काफ्लेले सामान्य विद्यालय स्वीकृति शुल्कसमेत ५ देखि ७ हजार पुर्याइएको भन्दै कर वृद्धिको कडा विरोध गरेका छन् । राजश्व परामर्श समितिले दिएको १ अर्ब ६० करोडको सीमा नमानिएको भन्दै एमालेले मेयर–उपमेयर कोषजस्ता अबण्डा कोष खारेज गर्नुपर्ने माग गरेको छ ।

एमालेले नगरको यथार्थ आम्दानीलाई आधार मानेर सोही अनुसार बजेट सीमा निर्धारण गर्नुपर्ने माग राखेको छ । एमाले बहिष्कारका बीच मेयर साम्पाङले एकलौटी घोषणा गर्दै बजेट पारित भएको दाबी गरेका छन् । जसका कारण धरानको बजेट विवाद झनै चर्किएको छ ।

तपाइको प्रतिक्रिया
शीर्ष नेताको सम्बोधन, रित्तो दर्शक दीर्घा: मोरङमा कांग्रेस इतर पक्षको अधिवेशन
बहिरा फुटबल टोली दक्षिण कोरिया जाने
मत्स्यपोखरीमा चार दिन पर्यटन, संस्कृति र साहित्यको उत्सव
राप्रपामा अध्यक्षका लागि आधा दर्जन नेताको दौडधुप, लिङ्देनलाई चुनौती
लुम्बिनीले टस जितेर बलिङ रोज्दा सुदूरपश्चिम पहिले ब्याटिङ गर्दै
विराटनगरमा कर दिवस मनाइयो, करदातामैत्री प्रणालीमा जोड
प्रहरीको नाममा भ्रामक सूचना फैलाउने दुई जना नियन्त्रणमा पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
नोबेल मेडिकल कलेज छैटौँ पटक उत्कृष्ट करदाता सम्मानबाट सम्मानित
रुसी खगोल विज्ञान ओलम्पियाडमा एभरेस्टकी स्नेहालाई कांस्य
© 2024 Muluki Khabar. All Rights Reserved. Design & Develop By: Indesign Media Pvt. Ltd.