
काठमाडौं । एएफसी यु २३ एसियन कप छनोट खेलमा नेपाल ताजिकिस्तानसँग पराजित भएको छ ।
बुधबार राति ताजिकिस्तानमा भएको खेलमा नेपाली टोलीले हारबाट एसियन कप छनोटको सुरुवात गरेको हो । आयोजक ताजिकिस्तानले नेपाललाई ४–० गोलको फराकिलो अन्तरमा हराउँदै जितको यात्रा सुरुवात गरेको छ ।
ताजिकिस्तानका लागि मुहम्मदल अजिजबोएभले २, रहमतशो रहमत जोदा र दलेर शारिपोभले समान १ गोल गरे । पहिलो हाफमा नेपाल १ गोलले मात्र पछाडि थियो ।
खेलको ३० औँ मिनेटमा ताजकिस्तानले पहिलो गोल गर्याे । कामोलोभ अमादोनीले नेपाली टोलीका कप्तान सुमित श्रेष्ठलाई बिट गर्दै सिक्स यार्ड बक्स नजिकबाट दिएको पासमा अजिजबोएभले गोल गरे ।
५८ औँ मिनेटमा कामोलोभले कप्तान सुमितलाई नै बिट गर्दै दिएको पासलाई अजिजबोएभले सिक्स यार्ड बक्सबाट हेडमार्फत गोल थपे ।
अन्तिममा सम्हालिन नेपालले नसक्दा २ मिनेटमा २ गोलको सामना गर्याे । ८९ औँ मिनेटमा रहमतजोदाले तेस्रो गोल गरेका थिए ।
इन्जुरी समयको पहिलो मिनेटमा शारिपोभले गोल गरेपछि ताजिकिस्तानले सानदार जित भएको हो ।

























