असोज अन्तिम सातादेखि बेलबारी गोल्डकप

Share this
742shares
मुलुकी खबर
मुलुकी खबर
clock२०८२ असोज ७, मंगलबार १९:३१
असोज अन्तिम सातादेखि बेलबारी गोल्डकप हुँदै 

विराटनगर । मोरङको बेलबारीमा असोज अन्तिम सातादेखि ‘८ औं बेलबारी आरजु राईस, मेजर एनबी रुमाहाङ अन्तर्राष्ट्रिय आमन्त्रण रनिङ गोल्डकप फुटबल’ प्रतियोगिता हुने भएको छ ।

बेलबारी नगरपालिका–११ लक्ष्मीमार्गस्थित प्रस्तावित रंगशालामा एलएक्स सिटी फुटबल क्लबले प्रतियोगिताको आयोजना गर्न लागेको हो । मंगलबार क्लबले पत्रकार सम्मेलनको आयोजना गर्दै प्रतियोगिताबारे जानकारी दिएको छ ।

क्लबका महासचिव शम्भु बस्नेतले प्रतियोगिता असोज २६ देखि कात्तिक १ गतेसम्म हुने जानकारी दिए । उनका अनुसार प्रतियोगितामा नेपाल र भारतका चर्चित क्लब ८ वटा टोलीले सहभागिता जनाउने छन् ।

महासचिव बस्नेतले भने, ‘डेढ तोला सुन र ३ केजी चाँदी जडित आकर्षक रनिङ ट्रफी विजेतालाई प्रदान गरिने छ । रनिङ ट्रफी पूर्ण रूपमा आफ्नो स्वामित्वमा प्राप्त गर्नका लागि कुनै पनि टिमले लगातार ३ पटक प्रतियोगिता जित्नुपर्ने व्यवस्था रहेको छ ।’

प्रतियोगितामा आयोजक एलएक्स सिटी फुटबल क्लबसहित साबिक विजेता झापा–११ फुटबल क्लब, उपविजेता सलहेश युवा क्लब सिराहा, चर्च ब्वाइज युनाइटेड ललितपुर, ‘बी’ डिभिजन लिग च्याम्पियन प्लानिङ ब्वाइज युनाइटेड, रारा फुटबल क्लब राजारानी धनकुटा, भोजपुर जिल्ला फुटबल संघ भोजपुर र भारतको लिजेन्ड फुटबल एकेडेमीको सहभागिता रहेको छ ।

प्रतियोगिताको अनुमानित आम्दानी ७२ लाख रुपैयाँभन्दा बढी हुने र खर्च करिब ६३ लाख रुपैयाँ हुने जनाइएको छ । विजेता टोलीले नगद ८ लाख रुपैयाँ र उपविजेता टोलीले नगद ४ लाख रुपैयाँका साथै ट्रफी प्राप्त गर्ने छन् ।

प्रतियोगितामा सर्वोत्कृष्ट खेलाडी, उत्कृष्ट गोलकिपर, उत्कृष्ट प्रशिक्षक, सर्वाधिक गोलकर्ता, उदीयमान खेलाडी र प्लेयर अफ द म्याचले नगद पुरस्कार प्राप्त गर्ने छन् ।

क्लबका अध्यक्ष विक्रम राईको अध्यक्षतामा भएको पत्रकार सम्मेलनमा नेपाल फुटबल संघ (एन्फा) का केन्द्रीय सदस्य दीपेन्द्र धिमाल, मोरङ जिल्ला फुटबल संघका अध्यक्ष सञ्जीव बुढाथोकीलगायतको उपस्थिति रहेको थियो ।

तपाइको प्रतिक्रिया
शीर्ष नेताको सम्बोधन, रित्तो दर्शक दीर्घा: मोरङमा कांग्रेस इतर पक्षको अधिवेशन
बहिरा फुटबल टोली दक्षिण कोरिया जाने
मत्स्यपोखरीमा चार दिन पर्यटन, संस्कृति र साहित्यको उत्सव
राप्रपामा अध्यक्षका लागि आधा दर्जन नेताको दौडधुप, लिङ्देनलाई चुनौती
लुम्बिनीले टस जितेर बलिङ रोज्दा सुदूरपश्चिम पहिले ब्याटिङ गर्दै
विराटनगरमा कर दिवस मनाइयो, करदातामैत्री प्रणालीमा जोड
प्रहरीको नाममा भ्रामक सूचना फैलाउने दुई जना नियन्त्रणमा पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
नोबेल मेडिकल कलेज छैटौँ पटक उत्कृष्ट करदाता सम्मानबाट सम्मानित
रुसी खगोल विज्ञान ओलम्पियाडमा एभरेस्टकी स्नेहालाई कांस्य
© 2024 Muluki Khabar. All Rights Reserved. Design & Develop By: Indesign Media Pvt. Ltd.