अबदेखि एटीएमबाट १ पटकमा २० हजार मात्र झिक्न सकिने

Share this
726shares
मुलुकी खबर
मुलुकी खबर
clock२०८२ असोज २४, शुक्रबार १७:४४

काठमाडौं । नेपाल राष्ट्र बैंकले डेबिट कार्ड प्रयोग गरी एटीएमबाट झिक्न पाइने रकमको सीमा घटाएको छ । शुक्रबार जारी निर्देशनअनुसार अब बैंकका ग्राहकहरूले डेबिट कार्डबाट एटीएममार्फत १ पटकमा अधिकतम २० हजार रुपैयाँ मात्र झिक्न सक्नेछन् ।

पहिले एटीएमबाट प्रति कारोबार २५ हजार रुपैयाँसम्म निकाल्न सकिने व्यवस्था थियो । त्यसरी नै दैनिक सीमा पनि घटाइएको छ । अघिल्लो व्यवस्था अनुसार दैनिक १ लाख रुपैयाँसम्म निकाल्न पाइन्थ्यो भने अबदेखि अधिकतम ५० हजार रुपैयाँ मात्र झिक्न सकिनेछ ।

यस्तै मासिक सीमा पनि ४ लाखबाट घटाएर ३ लाख रुपैयाँमा सीमित गरिएको छ । केन्द्रीय बैंकले जारी निर्देशनमा प्रिपेड कार्ड र क्रेडिट कार्ड प्रयोगमा भने कुनै परिवर्तन नगरेको स्पष्ट पारेको छ ।

बैंक तथा वित्तीय संस्थाले जारी गर्ने प्रिपेड कार्डको सन्दर्भमा प्रति कारोबार १० हजार, प्रतिदिन २० हजार र प्रति महिना २ लाख रुपैयाँसम्मको सीमा यथावत् रहनेछ । त्यसैगरी, बैंक तथा वित्तीय संस्थाबाहेकका अन्य सेवा प्रदायक संस्थाले जारी गर्ने प्रिपेड कार्डको हकमा पनि अघिल्लो सीमा परिवर्तन गरिएको छैन । ती कार्ड प्रयोगकर्ताहरूले दैनिक ५ हजार र मासिक २५ हजार रुपैयाँसम्मको कारोबार गर्न सक्नेछन् ।

राष्ट्र बैंकले कार्ड कारोबारमा सीमा घटाउने निर्णयको कारण औपचारिक रूपमा खुलाएको छैन । तर, बैंकिङ क्षेत्रका विज्ञहरूका अनुसार पछिल्लो समय कार्ड दुरुपयोग, एटीएम फ्रड र अवैध वित्तीय कारोबार बढिरहेको सन्दर्भमा केन्द्रीय बैंकले जोखिम नियन्त्रणका लागि यस्तो कदम चालेको अनुमान गरिएको छ ।

डेबिट कार्ड सीमामा गरिएको यस परिवर्तनले विशेष गरी व्यवसायिक प्रयोजनमा कार्ड प्रयोग गर्ने साना तथा मध्यम व्यवसायीहरूलाई तत्काल असर गर्ने देखिएको छ । बैंकहरूले भने हालको निर्देशन कार्यान्वयनका लागि आन्तरिक प्रणाली परिमार्जन सुरु गरिसकेका छन् ।

नयाँ सीमा लागू भएसँगै देशभरका एटीएमहरूमा उक्त व्यवस्थालाई प्राविधिक रूपमा अद्यावधिक गरिने र ग्राहकहरूलाई आवश्यक जानकारी पठाइने बैंकहरूले जनाएका छन् ।

तपाइको प्रतिक्रिया
शीर्ष नेताको सम्बोधन, रित्तो दर्शक दीर्घा: मोरङमा कांग्रेस इतर पक्षको अधिवेशन
बहिरा फुटबल टोली दक्षिण कोरिया जाने
मत्स्यपोखरीमा चार दिन पर्यटन, संस्कृति र साहित्यको उत्सव
राप्रपामा अध्यक्षका लागि आधा दर्जन नेताको दौडधुप, लिङ्देनलाई चुनौती
लुम्बिनीले टस जितेर बलिङ रोज्दा सुदूरपश्चिम पहिले ब्याटिङ गर्दै
विराटनगरमा कर दिवस मनाइयो, करदातामैत्री प्रणालीमा जोड
प्रहरीको नाममा भ्रामक सूचना फैलाउने दुई जना नियन्त्रणमा पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
नोबेल मेडिकल कलेज छैटौँ पटक उत्कृष्ट करदाता सम्मानबाट सम्मानित
रुसी खगोल विज्ञान ओलम्पियाडमा एभरेस्टकी स्नेहालाई कांस्य
© 2024 Muluki Khabar. All Rights Reserved. Design & Develop By: Indesign Media Pvt. Ltd.