
काठमाडौं । नेपाली बजारमा सुनको मूल्य तोलामा २ लाख ४० हजार नाघेको छ । आज प्रतितोला २ हजार ४ सय रुपैयाँ वृद्धि हुँदा २ लाख ४० हजार नाघेको हो ।
नेपाल सुनचाँदी व्यवसायी महासंघले सोमबारका लागि प्रतितोला २ लाख ४० हजार ४ सय रुपैयाँ तोकेको छ । आइतबार २ लाख ३८ हजार रुपैयाँमा कारोबार भएको थियो ।
सुनको आजको मूल्य हालसम्मकै उच्च हो ।
अन्तर्राष्ट्रिय बजारमा पनि मूल्यले रेकर्ड बनाउँदै प्रतिऔंस ४ हजार ५० अमेरिकी डलर नाघेको छ ।
चाँदीको भाउ प्रतितोला ३ हजार २ सय २० रुपैयाँ पुगेको छ । चाँदी अघिल्लो दिनको तुलनामा आज प्रतितोला ९५ रुपैयाँ बढेको हो ।

























