पहिरोले परिवार खोसिए पनि आकृतिको सपनामा फुटबलकर्मीको साथ

Share this
776shares
मुलुकी खबर
मुलुकी खबर
clock२०८२ कात्तिक १, शनिबार ११:१८

इलाम । असोज १८ गतेको त्यो रात, इलामको माईजोगमाई गाउँपालिका–६ प्याङस्थित सोङ्मी गाउँकी १६ वर्षीया आकृति सोङ्मी लिम्बूको जीवन एक झट्कामा बदलियो ।

मुसलधारे वर्षासँगै आएको पहिरोले उनका बुवा धनबल, आमा सरला, हजुरबुवा बमध्वज, हजुरआमा बुद्धिमाया र कान्छी बहिनीलाई सधैँका लागि खोस्यो । अब न घर बाँकी छ, न त परिवारमा अभिभावक । पहिरोले परिवारका ५ जनालाई एकैपटक खोसे पनि फुटबल खेलाडी बन्ने आकांक्षा र सपना भने बाँकी छ ।

कक्षा ११ मा अध्ययनरत आकृति इलाम नगरपालिकास्थित विद्यालयमा पढ्दै आएकी थिइन् । अध्ययनसँगै विद्यालयस्तरको फुटबलमा उनको परिचय पहिले नै चम्किसकेको थियो । खेलकुद र पढाइ दुवै अब्बल रहेकी छोरीलाई बुवाले इलाम पठाएका थिए । तर, अहिले उनी अभिभावकविहीन बनेकी छन् । आकृति अहिले आफ्नो काका रविन सोङ्मी लिम्बूको घरमा बहिनी स्मृतिसँग बसिरहेकी छिन् ।

वडाध्यक्ष दिपेश सोङ्मी लिम्बू भन्छन्, ‘एकै रातमा आकृतिको सम्पूर्ण परिवार माटोमा गयो । तर, हामी गाउँले सबै उनको साथमा छौँ । अहिले अस्थायी टहरा बनाइदिने तयारी भइरहेको छ ।’ सो रात त्यही वडामा किरण थेबे परिवारका ३ सदस्यको पनि ज्यान गएको थियो ।

भौतिक रूपमा केही नबचेकै अवस्थामा पनि आकृतिको भविष्यको चासो फुटबलकर्मीहरुले लिएका छन् । आकृतिलाई साथ दिने प्रतिबद्धता जनाएका छन् ।

नेपाल लोकतान्त्रिक खेलकुद संघ कोशी प्रदेश र कोशी प्रदेश फुटबल संघका प्रतिनिधिहरू बिहीबार आकृतिलाई भेट्न पुगे । संघका निवर्तमान संयोजक वसन्त अर्यालले भने, ‘हामी पैसा दिएर मात्र फर्कन आएका होइनौं । उनको फुटबल यात्रामा साथ दिन तथा सपना बचाउन र उनको आत्मबल पुनः जगाउन आएका हौं ।’

संघका अध्यक्ष किशोर राईका अनुसार तत्कालका लागि आकृति परिवारलाई ४५ हजार रुपैयाँ सहयोग गरिएको छ । त्यसैगरी, पहिरोबाट ३ जना गुमाएका भक्त थेवेको परिवारलाई ३० हजार र पहिरोपीडित जिल्ला फुटबल संघ इलामका सदस्य रमेश श्रेष्ठलाई २५ हजार रूपैयाँ सहयोग गरिएको छ ।

अर्याल भन्छन्, ‘आकृतिमा खेलाडी बन्ने क्षमता देखिन्छ । आवश्यक परे उनलाई रौतहट फुटबल एकेडेमीमा पठाउने तयारी छ । हामी सबै उनको भविष्यका लागि जुटेका छौं ।’ कोशी प्रदेश सरकारले पहिरोपीडितका लागि घर बनाउने घोषणा गरे पनि हालसम्म प्रक्रिया अघि बढेको छैन ।

वडाध्यक्ष लिम्बूका अनुसार अस्थायी टहरा निर्माणका लागि पहिलो चरणमा दुई किस्तामा ५० हजार रुपैयाँ दिने तयारी छ । ‘अहिले जन्मदर्ता, मृत्यु दर्ता र नागरिकता सम्बन्धी कागजात बनाउने काम भइरहेको छ,’ उनले भने ।

बाहिरबाट हेर्दा आकृति शान्त लाग्छिन् । तर, मनभित्र भने कहालिलाग्दो रातको स्मृति ताजा छ । फुटबलमै उनले आफ्नो जीवनको अर्थ खोजिरहेकी छन् ।

त्यो खेल नै अब उनका लागि परिवारका सम्झना, पीडाको निकास र भविष्यको बाटो बन्ने फुटबलकर्मी बताउँछन् । पहिरोले उनको घर र परिवारका अभिभावक खोस्यो । तर, फुटबलर बन्ने सपना मात्रै बाँकी छ ।

तपाइको प्रतिक्रिया
शीर्ष नेताको सम्बोधन, रित्तो दर्शक दीर्घा: मोरङमा कांग्रेस इतर पक्षको अधिवेशन
बहिरा फुटबल टोली दक्षिण कोरिया जाने
मत्स्यपोखरीमा चार दिन पर्यटन, संस्कृति र साहित्यको उत्सव
राप्रपामा अध्यक्षका लागि आधा दर्जन नेताको दौडधुप, लिङ्देनलाई चुनौती
लुम्बिनीले टस जितेर बलिङ रोज्दा सुदूरपश्चिम पहिले ब्याटिङ गर्दै
विराटनगरमा कर दिवस मनाइयो, करदातामैत्री प्रणालीमा जोड
प्रहरीको नाममा भ्रामक सूचना फैलाउने दुई जना नियन्त्रणमा पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
नोबेल मेडिकल कलेज छैटौँ पटक उत्कृष्ट करदाता सम्मानबाट सम्मानित
रुसी खगोल विज्ञान ओलम्पियाडमा एभरेस्टकी स्नेहालाई कांस्य
© 2024 Muluki Khabar. All Rights Reserved. Design & Develop By: Indesign Media Pvt. Ltd.