राष्ट्रिय पौडी प्रतियोगिताको तयारी अन्तिम चरणमा

Share this
722shares
मुलुकी खबर
मुलुकी खबर
clock२०८२ कात्तिक ११, मंगलबार १९:०७
राष्ट्रिय पौडी प्रतियोगिताको तयारी अन्तिम चरणमा

काठमाडौं । दोस्रो संस्करणको नेपालगन्ज राष्ट्रिय पौडी प्रतियोगिताको तयारी अन्तिम चरणमा पुगेको छ ।

नेपालगन्ज स्विमिङ क्लबले नेपालगन्ज रंगशालामा कात्तिक १४ र १५ गते दोस्रो संस्करणको नेपालगन्ज राष्ट्रिय पौडी प्रतियोगिता आयोजना गर्न लागेको हो ।

प्रतियोगितामा ७ प्रदेशका करिब २ सय खेलाडीले ५६ वटा विधामा प्रतिस्पर्धा गर्ने आयोजक नेपालगन्ज स्विमिङ क्लबले जनाएको छ ।

प्रतियोगितामा देशभरका अन्डर ८, १०, १२, १४ र १७ वर्ष उमेर समूहका अतिरिक्त खुला उमेर समूहका खेलाडीबीच प्रतिस्पर्धा हुने क्लबका अध्यक्ष केशवराज न्यौपानेले जानकारी दिए ।

उनका अनुसार ८ वर्ष मुनिको उमेर समूहका खेलाडीले २५ मिटर दूरीमा, १० वर्ष मुनिको उमेर समूहका खेलाडीले ५० मिटर दूरीमा प्रतिस्पर्धा गर्ने भएका छन् । यस्तै, १२ र १४ वर्ष मुनिको उमेर समूहका खेलाडीले ५० र १ सय मिटर दूरीमा प्रतिस्पर्धा गर्नेछन् ।

खुला उमेर समूहका खेलाडीले २ सय र ४ सय मिटर दूरीमा विभिन्न इभेन्टमा प्रतिस्पर्धा गर्ने छन् ।

आयोजक क्लबले प्रतियोगितामा सहभागिताका लागि आवेदन खुला गरेको छ । इच्छुक खेलाडीले क्लबले उपलब्ध गराउने गुगल फर्म भरेर आवेदन दिन सक्ने छन् ।

प्रतियोगितामा सहभागी हुन आवेदन फर्म भर्दा खेलाडीले १ हजार ५ सय शुल्क तिर्नु पर्नेछ । करिब १ सय खेलाडीले अनलाइन फाराम भरी सकेका छन् ।

नेपाल पौडी संघसँग सहकार्य गरेर आयोजक क्लबले नेशनल स्विमिङ टेक्निकल अफिसियल (रेफ्री, जज) क्लिनिक पनि सञ्चालन गर्दै छ । क्लिनिकमा लुम्बिनी, कर्णाली र सुदूरपश्चिम प्रदेशका ३५ जना रेफ्री, जज सहभागी हुने छन् ।

बाँके जिल्ला बाहेक अन्य जिल्लाबाट सहभागी हुन आउने खेलाडीलाई खेल अवधि भर निःशुल्क खाजा, खाना र बसोबासको व्यवस्था गरिएको आयोजकले जनाएको छ ।

प्रतियोगिताको तयारीका लागि नेपाल पौडी संघका टेक्निकल हेड विष्णु खड्कासहित ३ जना प्राविधिक नेपालगन्ज पुगिसकेका छन् ।

कार्यक्रमलाई लुम्बिनी प्रदेश सरकार, नेपालगन्ज उपमहानगरपालिका, प्रदेश खेलकुद परिषद् लुम्बिनीलगायत विभिन्न व्यापारिक प्रतिष्ठानलगायतले सहयोग गरेका छन् । प्रतियोगिता आयोजना गर्न करिब १५ लाख खर्च लाग्ने अनुमान गरिएको अध्यक्ष न्यौपानेले बताए ।

तपाइको प्रतिक्रिया
शीर्ष नेताको सम्बोधन, रित्तो दर्शक दीर्घा: मोरङमा कांग्रेस इतर पक्षको अधिवेशन
बहिरा फुटबल टोली दक्षिण कोरिया जाने
मत्स्यपोखरीमा चार दिन पर्यटन, संस्कृति र साहित्यको उत्सव
राप्रपामा अध्यक्षका लागि आधा दर्जन नेताको दौडधुप, लिङ्देनलाई चुनौती
लुम्बिनीले टस जितेर बलिङ रोज्दा सुदूरपश्चिम पहिले ब्याटिङ गर्दै
विराटनगरमा कर दिवस मनाइयो, करदातामैत्री प्रणालीमा जोड
प्रहरीको नाममा भ्रामक सूचना फैलाउने दुई जना नियन्त्रणमा पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
नोबेल मेडिकल कलेज छैटौँ पटक उत्कृष्ट करदाता सम्मानबाट सम्मानित
रुसी खगोल विज्ञान ओलम्पियाडमा एभरेस्टकी स्नेहालाई कांस्य
© 2024 Muluki Khabar. All Rights Reserved. Design & Develop By: Indesign Media Pvt. Ltd.