नेपाल-भारत ऊर्जा सहकार्य : थप २ अन्तरदेशीय प्रसारण लाइन बन्ने

Share this
747shares
मुलुकी खबर
मुलुकी खबर
clock२०८२ कात्तिक १२, बुधबार १३:२४

विराटनगर । नेपाल र भारतबीच ऊर्जा सहकार्यलाई थप बलियो बनाउँदै दुईवटा महत्त्वपूर्ण अन्तरदेशीय ४०० केभी विद्युत् प्रसारण लाइन निर्माण गर्ने बाटो खुलेको छ । आज (बुधबार) नयाँ दिल्लीमा इनरुवा–पूर्णिया र लम्की (दोदोधारा)–बरेली ४०० केभी प्रसारण लाइन निर्माणका लागि संयुक्त उपक्रम तथा शेयरहोल्डर सम्झौतापत्रमा हस्ताक्षर भएको छ ।

सम्झौतापत्रमा नेपालका ऊर्जा, जलस्रोत तथा सिँचाइमन्त्री कुलमान घिसिङ र भारतका विद्युतमन्त्री मनोहरलाल खट्टरको उपस्थितिमा हस्ताक्षर भएको हो । नेपाल विद्युत् प्राधिकरणका उपकार्यकारी निर्देशक सुभाष कुमार मिश्र र पावर ग्रिड कर्पोरेसन अफ इण्डिया लिमिटेडका अधिकारीले हस्ताक्षर गरे ।

यो सम्झौतासँगै दुवै प्रसारण लाइन निर्माणका लागि नेपाल र भारत दुवैतर्फ दुईवटा संयुक्त कम्पनी स्थापना हुनेछन् ।निर्माणमा ८० प्रतिशत ऋण र २० प्रतिशत सेयर पुँजी रहनेछ । भारतीय खण्डमा प्राधिकरणको ४९% र पावर ग्रिडको ५१% सेयर हिस्सा छ । नेपाली खण्डमा प्राधिकरणको ५१% र पावर ग्रिडको ४९% सेयर हिस्सा छ । यी दुवै लाइन सन् २०३० भित्र सम्पन्न गर्ने लक्ष्य राखिएको छ।

मन्त्री घिसिङले यी प्रसारण लाइनहरू द्विदेशीय र क्षेत्रीय विद्युत् व्यापारका लागि अर्को महत्त्वपूर्ण कोसेढुङ्गा भएको बताएका छन् । उनले यसबाट नेपालको बिजुली अन्तर्राष्ट्रिय ऊर्जा बजारसम्म पुग्ने र जलविद्युतमा थप स्वदेशी तथा विदेशी लगानी आउने विश्वास व्यक्त गरे ।

भारतीय विद्युतमन्त्री खट्टरले पनि यी लाइनहरूले नेपाल–भारतबीचको विद्युत् विनिमयलाई सुदृढ पार्ने र क्षेत्रीय ऊर्जा सुरक्षामा सुधार ल्याएर दुवै देशको आर्थिक वृद्धिमा योगदान पुर्‍याउने बताए ।

हाल नेपाल र भारतबीच ४०० केभीको ढल्केबर–मुजफ्फपुर प्रसारण लाइन सञ्चालनमा छ। बुटवल–गोरखपुर दोस्रो अन्तरदेशीय प्रसारण लाइन निर्माणाधीन छ । नेपालले हाल दैनिक रूपमा करिब एक हजार मेगावाट विद्युत् भारत एवम् बङ्गलादेशतर्फ निर्यात गरिरहेको छ । मन्त्री घिसिङ र भारतीय विद्युतमन्त्री खट्टरबीच ऊर्जा सहकार्य, विद्युत् व्यापार र दीर्घकालीन साझेदारीलगायतका विषयमा विस्तृत छलफल भएको थियो।

तपाइको प्रतिक्रिया
शीर्ष नेताको सम्बोधन, रित्तो दर्शक दीर्घा: मोरङमा कांग्रेस इतर पक्षको अधिवेशन
बहिरा फुटबल टोली दक्षिण कोरिया जाने
मत्स्यपोखरीमा चार दिन पर्यटन, संस्कृति र साहित्यको उत्सव
राप्रपामा अध्यक्षका लागि आधा दर्जन नेताको दौडधुप, लिङ्देनलाई चुनौती
लुम्बिनीले टस जितेर बलिङ रोज्दा सुदूरपश्चिम पहिले ब्याटिङ गर्दै
विराटनगरमा कर दिवस मनाइयो, करदातामैत्री प्रणालीमा जोड
प्रहरीको नाममा भ्रामक सूचना फैलाउने दुई जना नियन्त्रणमा पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
नोबेल मेडिकल कलेज छैटौँ पटक उत्कृष्ट करदाता सम्मानबाट सम्मानित
रुसी खगोल विज्ञान ओलम्पियाडमा एभरेस्टकी स्नेहालाई कांस्य
© 2024 Muluki Khabar. All Rights Reserved. Design & Develop By: Indesign Media Pvt. Ltd.