
विराटनगर । नेपाल आयल निगमले डिजेल र मट्टितेलको मूल्य घटाएको छ । घटेको मूल्य शुक्रबार रातिदेखि लागू भएको जनाइएको छ ।
इन्डियन आयल कर्पोरेसनबाट शुक्रबार प्राप्त नयाँ मूल्यअनुसार डिजेल, मट्टितेलमा प्रतिलिटर १ रुपैयाँ घटाउने निर्णय गरिएको हो । निगम सञ्चालक समितिले हवाई इन्धन आन्तरिकतर्फ लिटरमा १ र अन्तर्राष्ट्रियतर्फ काठमाडौंका लागि प्रतिकिलोलिटर अमेरिकी डलर ७ ले बढाउने निर्णय गरेको छ ।
हवाई इन्धन अन्तर्राष्ट्रियतर्फ पोखरा र भैरहवाका लागि ब्रेकइभन पोइन्ट बिक्री मूल्य कायम गरिएको छ । पेट्रोल बिक्री मूल्य यथावत राखिएको निमगले शुक्रबार जारी विज्ञप्तिमा उल्लेख छ । नयाँ मूल्य शुक्रबार राति १२ बजेदेखि लागू भएको छ ।

























