
काठमाडौं । नेपाली बजारमा आइतबार (आज) फेरी सुनको मूल्यमा वृद्धि भएको छ । गत शुक्रबारको तुलनामा आज सुनको मूल्यमा सामान्य वृद्धि भएको हो ।
आज सुन प्रतितोला ७ सय रुपैयाँले बढेको छ भने चाँदी प्रतितोला ५ रुपैयाँले घटेको नेपाल सुनचाँदी व्यवसायी महासंघले जनाएको छ ।
महासंघका अनुसार गत शुक्रबार तोलाको २ लाख ३९ हजारमा कारोबार भएको एक तोला सुनको मूल्य आज २ लाख ३९ हजार ७ सय रुपैयाँ कायम भएको छ ।
त्यस्तै, चाँदीको प्रतितोला ३ हजार ५५ निर्धारण भएको छ। गत शुक्रबार ३ हजार ६० रुपैयाँमा कारोबार भएको महासंघले जनाएको छ ।

























