झापा महिला गोल्डकपः उपाधि दाबेदार एपीएफ सिक्किमको सिंग्लिङसँग भिड्दै

Share this
722shares
मुलुकी खबर
मुलुकी खबर
clock२०८२ कात्तिक १८, मंगलबार ११:०६

झापा । शिवसताक्षीस्थित दुधे रंगशालामा जारी एलभिडी झापा महिला गोल्डकप फुटबल प्रतियोगिताअन्तर्गत आजको (मंगलबार) दोस्रो क्वार्टरफाइनल खेलमा एपीएफ फुटबल क्लब र सिक्किमको सिंग्लिङ स्पोर्टिङ क्लब आमनेसामने हुँदैछन् ।

विगतका महिला गोल्डकपहरूमा लगातार उपाधि जित्न सफल एपीएफ यसपटक पनि मुख्य दाबेदारको रूपमा मैदानमा उत्रँदैछ । एपीएफका नियमित गोलरक्षक एन्जिला तुम्बापो, स्ट्राइकर सावित्रा भण्डारी र मिडफिल्डर प्रिति राई टोलीमा नहुँदा आक्रमण र गोलकिपिङमा केही असर पर्न सक्ने अनुमान गरिएको छ ।

पाहुना टोली सिंग्लिङ स्पोर्टिङ क्लब उत्साहित मनोबलका साथ मैदानमा उत्रने तयारीमा छ । भारतको एफसी कप खेलिसकेकी निमिता गुरुङ, मुस्कान सुब्बा र अन्डर–२० राष्ट्रिय टोलीमा खेलिसकेकी सिम्रन गुरुङसहितको टोलीको नेतृत्व प्रशिक्षक लाकु फुर्बी भुटियाले गर्नेछिन् ।

प्रशिक्षक भुटियाले खेलअघि पत्रकार भेटघाटमा भनिन्, “एपिएफ बलियो टोली हो, तर हामी आत्मविश्वासका साथ जितका लागि आक्रामक फुटबल खेल्न मैदानमा उत्रनेछौँ।”

एपीएफकी कप्तान अनिता बस्नेतले टोलीले अघिल्ला प्रतियोगिताको लयलाई निरन्तरता दिने लक्ष्य राखेको बताइन्। “हामी समन्वय, अनुशासन र योजनाबद्ध खेलमा विश्वास गर्छौं। उपाधि रक्षा नै हाम्रो मुख्य लक्ष्य हो,” बस्नेतले भनिन्।

एपीएफको अनुभव र रणनीति एकातिर, र सिक्किमेली टोलीको जोस तथा गतिशीलता अर्कोतिर। यी दुईबीचको प्रतिस्पर्धात्मक भिडन्त दुधे रंगशालामा आज दिउँसो २ बजेबाट सुरु हुनेछ।

गोल्डकपका अध्यक्ष सन्तोष थोप्राका अनुसार प्रतियोगिताको विजेताले नगद १० लाख १० हजार रुपैयाँ र उपविजेताले पाँच लाख रुपैयाँ पाउनेछन्। सर्वोत्कृष्ट खेलाडीलाई १ लाख ५० हजार रुपैयाँ प्रदान गरिनेछ, भने उत्कृष्ट विधाका खेलाडीहरू र उच्च गोलकर्ताले जनही २५ हजार रुपैयाँ पाउनेछन्।

प्रतियोगितामा विभागीय टोलीहरू त्रिभुवन आर्मी एफसी, एपिएफ एफसी, नेपाल पुलिस क्लबसहित कुल ८ टोलीले प्रतिस्पर्धा गरिरहेका छन्।

तपाइको प्रतिक्रिया
शीर्ष नेताको सम्बोधन, रित्तो दर्शक दीर्घा: मोरङमा कांग्रेस इतर पक्षको अधिवेशन
बहिरा फुटबल टोली दक्षिण कोरिया जाने
मत्स्यपोखरीमा चार दिन पर्यटन, संस्कृति र साहित्यको उत्सव
राप्रपामा अध्यक्षका लागि आधा दर्जन नेताको दौडधुप, लिङ्देनलाई चुनौती
लुम्बिनीले टस जितेर बलिङ रोज्दा सुदूरपश्चिम पहिले ब्याटिङ गर्दै
विराटनगरमा कर दिवस मनाइयो, करदातामैत्री प्रणालीमा जोड
प्रहरीको नाममा भ्रामक सूचना फैलाउने दुई जना नियन्त्रणमा पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
नोबेल मेडिकल कलेज छैटौँ पटक उत्कृष्ट करदाता सम्मानबाट सम्मानित
रुसी खगोल विज्ञान ओलम्पियाडमा एभरेस्टकी स्नेहालाई कांस्य
© 2024 Muluki Khabar. All Rights Reserved. Design & Develop By: Indesign Media Pvt. Ltd.