२०८२ कार्तिक १९, बुधबार ०९:४८
काठमाडौं । अमेरिकाको केन्टकी राज्यस्थित लुइसभिल विमानस्थलबाट उडेको केही समयपछि नै युपिएसको एउटा कार्गो विमान मंगलबार दुर्घटनाग्रस्त भएको छ । यो दुर्घटना निकै भयानक रहेको र यसमा परी अहिलेसम्म कम्तीमा सात जनाको मृत्यु भएको तथा ११ जना घाइते भएको केन्टकीका गभर्नर एन्डी वेशियरले पुष्टि गरेका छन् ।
उनले अनुसन्धान जारी रहेकाले यो संख्या बढ्न सक्ने चेतावनी दिएका छन् । घाइतेमध्ये केहीको अवस्था ‘अत्यन्तै गम्भीर’ रहेको बताइएको छ । होनोलुलुका लागि उडेको यो विमान (म्याकडोनेल डग्लस एमडी–११) मा करिब ३८ हजार ग्यालेन इन्धन रहेको थियो । दुर्घटनापछि ठूलो विस्फोट भएको थियो र नजिकैका व्यापारिक भवनहरूमा पनि आगलागी भएको थियो ।
लुइसभिलका मेयर क्रेग ग्रीनबर्गले सहरका हरेक आपतकालीन एजेन्सीहरू घटनास्थलमा परिचालन भएको जानकारी दिएका छन् । युपिएसका अनुसार विमानमा तीन जना चालक दलका सदस्यहरू सवार थिए, जसको अवस्था अहिलेसम्म अज्ञात छ ।
इमेल: [email protected]
ठेगाना: विराटनगर–२
मोबाइल नं. : ९८१९३३६४१६, ९८५२०५१७६५, ९८०७०१४०८१
कम्पनी रजिष्ट्रार दर्ता नं. : ३५०५५२–८१/८२
सूचना विभाग दर्ता नं. : ४६८३–२०८१/२०८२
सम्पादक : किशोर बुढाथोकी
