सातौं र आठाैं संस्करणमा ठूलो घाटा बेहोरेको विराट गोल्डकपको नवौं संस्करण नाफामा

Share this
717shares
मुलुकी खबर
मुलुकी खबर
clock२०८२ कात्तिक २७, बिहीबार ०७:०३

विराटनगर । विराट गोल्डकप फुटबलको नवौं संस्करणमा करिब ३ लाख रुपैयाँ नाफा भएको छ । सातौं र आठौं संस्करणमा लगातार ठूलो रकम नोक्सानी बेहोरेको गोल्डकपले नवौंमा भने मुनाफा कमाएको हो ।

गतवर्ष फागुन १९ देखि २८ गतेसम्म विराटनगर सहिद मैदानमा सम्पन्न गोल्डकपमा २ लाख ९४ हजार रुपैयाँ बढी नाफा भएको गोल्डकप आयोजक समितिले जनाएको छ । समितिका एक पदाधिकारीका अनुसार गोल्डकपमा १ करोड ७ लाख २१ हजार रुपैयाँ बराबरको आम्दानी भएको छ ।

त्यसैगरी, विभिन्न शीर्षकमा १ करोड ४ लाख २६ हजार रुपैयाँ बढी खर्च भएको छ । यद्धपि, बजारमा केही रकम अझैपनि संकलन हुन बाँकी रहेको उनले बताए ।

गोल्डकप समितिका संयोजक नवीन रिजालका अनुसार गोल्डकपको सम्पूर्ण आयव्ययबारे बिहीबार पत्रकार सम्मेलन गरी जानकारी दिइने छ । उनले प्रदेश सरकार र खेलकुद बोर्डबाट अपेक्षाकृत सहयोग नपाएको गुनासो गरे ।

फागुन २८ गते भएको गोल्डकपको उपाधि भिडन्तमा थ्री स्टार क्बलले उपाधि चुमेको थियो । फाइनलमा थ्री स्टारले डार्बी क्लब ललितपुरको चर्च ब्वाईज युनाइटेडलाई २–० गोल अन्तरले स्तब्ध बनाउँदै दोस्रोपटक गोल्डकपको उपाधि चुमेको थियो ।

उपाधि हात पार्ने क्रममा थ्री स्टारका लागि खेमराज श्रेष्ठ र दिपेश घलेले गोल गरेका थिए । थ्री स्टारले उपाधिसँगै ११ लाख रुपैयाँ र उपविजेतामा सीमित बनेको चर्च ब्वाईजले ५ लाख रुपैयाँ हात पारेको थियो ।

यसअघि, थ्री स्टारले विभागीय टोली त्रिभुवन आर्मी क्लबलाई गोल्डकपको पाँचौ संस्करण पराजित गर्दै उपाधि चुमेको थियो । गोल्डकपको सातौं र आठौं संस्करणमा घाटामा गएको थियो ।

गोल्डकप ट्रष्टले आयोजना गरेको आठौं संस्करणमा २२ लाख ६२ हजार रुपैयाँ नोक्सानी भएको थियो । त्यसैगरी, सातौं संस्करणमा करिब ८७ लाख रुपैयाँ बराबरको नोक्सानी आयोजक समितिले बेहोरेको थियो ।

तपाइको प्रतिक्रिया
शीर्ष नेताको सम्बोधन, रित्तो दर्शक दीर्घा: मोरङमा कांग्रेस इतर पक्षको अधिवेशन
बहिरा फुटबल टोली दक्षिण कोरिया जाने
मत्स्यपोखरीमा चार दिन पर्यटन, संस्कृति र साहित्यको उत्सव
राप्रपामा अध्यक्षका लागि आधा दर्जन नेताको दौडधुप, लिङ्देनलाई चुनौती
लुम्बिनीले टस जितेर बलिङ रोज्दा सुदूरपश्चिम पहिले ब्याटिङ गर्दै
विराटनगरमा कर दिवस मनाइयो, करदातामैत्री प्रणालीमा जोड
प्रहरीको नाममा भ्रामक सूचना फैलाउने दुई जना नियन्त्रणमा पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
नोबेल मेडिकल कलेज छैटौँ पटक उत्कृष्ट करदाता सम्मानबाट सम्मानित
रुसी खगोल विज्ञान ओलम्पियाडमा एभरेस्टकी स्नेहालाई कांस्य
© 2024 Muluki Khabar. All Rights Reserved. Design & Develop By: Indesign Media Pvt. Ltd.