
काठमाडौं । राष्ट्रिय खेलकुद परिषद्का बोर्ड सदस्य एवं नेपाल अन्तर्राष्ट्रिय तेक्वान्दोका महासंघ (एनआईटीएफ) का पूर्वअध्यक्ष अञ्जन धमला सम्मानित भएका छन् ।
बेलायतको प्रतिष्ठित तेक्वान्दो एकेडेमी अथेन्टिक सेन्ट्रेस फर एक्सिलेन्सी अफ तेक्वान्दो (एसीई) ले धमलालाई बेलायत भ्रमणको दौरान सम्मान गरेको हो ।
उक्त खेलको विकास र प्रवर्द्धनमा महत्त्वपूर्ण योगदान पुर्याएको भन्दै एकेडेमीले धमलालाई सम्मान गरेको हो । धमलाको निरन्तरको प्रयास र उपलब्धिले खेलाडीहरूलाई प्रेरित गर्न तथा राष्ट्रिय स्तरमा तेक्वान्दोको आधार बलियो बनाउन भूमिका खेलेको एसीई तेक्वान्दोले जनाएको छ ।
एसीईका संस्थापक एवंम अध्यक्ष ग्रान्ड मास्टर पाउल कटलरले धमलालाई सम्मान पत्र हस्तान्तरण गरेका थिए ।
उनी हाल साउथ एसियन तेक्वान्दो महासंघको उपाध्यक्ष र एसियन तेक्वान्दो महासंघको कार्यसमिति सदस्यको जिम्मेवारीमा छन् । तेक्वान्दोका छैटौँ डान धमला अन्तर्राष्ट्रिय रेफ्रीको रुपमा समेत सक्रिय छन् ।

























