सुदूरपश्चिमको लगातार तेस्रो जित, कर्णाली ९४ रनमै समेटियो

Share this
671shares
मुलुकी खबर
मुलुकी खबर
clock२०८२ मंसिर ८, सोमबार २०:०२

काठमाडौं । सुदूरपश्चिम रोएल्सले कर्णाली याक्सलाई ४५ रनले पराजित गर्दै नेपाल प्रिमियर लिग (एनपीएल)को दोस्रो संस्करणमा आफ्नो जितको यात्रालाई निरन्तरता दिएको छ ।

कीर्तिपुरस्थित टीयू अन्तर्राष्ट्रिय क्रिकेट मैदानमा सोमबार भएको डे–नाइट ‘वेस्टर्न डर्बी’मा कप्तान दीपेन्द्र सिंह ऐरीले देखाएको उत्कृष्ट बलिङ ४ ओभरमा २३ रन खर्चेर ४ विकेट लिँदा रोमाञ्चक खेलको मुख्य टर्निङ पोइन्ट बन्यो । पहिला ब्याटिङ गर्दै सुदूरपश्चिमले दिएको १४० रनको लक्ष्य पछ्याउन मैदानमा उत्रिएको कर्णाली एकपछि अर्को गरी विकेट गुमाउँदै १९.१ ओभरमै ९४ रनमा समेटियो ।

खेलको सुरुवाती क्षणमै २९ रनभित्र ४ विकेट खसाएर दबाबमा परेको कर्णालीलाई कप्तान सोमपाल कामी र पवन सर्राफको ३४ रनको साझेदारीले केही समय टिकाएको थियो । तर, साझेदारी टुटेपछि फेरि पतनको श्रृंखला रोकिएन, जसले टिमलाई प्रतिस्पर्धामा फर्कनै दिएन ।

कर्णालीका लागि पवन सर्राफले सर्वाधिक २७ रन बनाए भने मार्क वाटले १७ रन जोडे । तर, व्यक्तिगत प्रदर्शनले समग्र टिमको कमजोर ब्याटिङलाई बचाउन सकेन ।

सुदूरपश्चिमतर्फबाट कप्तान ऐरीको बलिङ जादुमै कर्णाली ढलेको हो । ऐरीले लय, लाइन र लेन्थ तीनै नियन्त्रणमा राख्दै निर्णायक क्षणमा विकेटहरू झारे । उनको साथमा हर्मीत सिंह पनि समान रूपमा प्रभावकारी बने । उनले ४ ओभरमा १ मेडनसहित मात्र १९ रन दिएर २ विकेट हात पारे ।

अविनाश बोहराले २ विकेट लिए । किफायती बलिङका लागि चिनिने स्कट कुगेलेइनले ४ ओभरमा मात्र ९ रन खर्चेर १ विकेट झारे भने हेमन्त धामीले पनि कर्णालीका एक ब्याट्सम्यानलाई पभेलियन फर्काए ।

लगातार ३ खेलमा जित निकाल्दै सुदूरपश्चिम रोएल्स अब प्रतियोगिताको सबभन्दा विश्वसनीय र लयमा देखिएको टिम बनेको छ । बलिङ र फिल्डिङको सामूहिक प्रदर्शन, कप्तानको नेतृत्व तथा नियमित ‘ब्रेक थ्रु’ दिने क्षमताले टिमलाई प्रत्येक म्याचमा बलियो बनाएको छ ।

कर्णाली भने पुनर्गठनको खाँचो देखिएको टिम बनेको छ । विशेषगरी शीर्षक्रमको अस्थिरता र मध्यमक्रमको निरन्तर पतनले टिमलाई बारम्बार संकटमा धकेलिरहेको छ ।

यो जितसँगै सुदूरपश्चिमले तालिकामा आफ्नो स्थिति अझै मजबुत बनाएको छ । खेलमा देखिएको अनुशासित खेलशैलीले आगामी म्याचहरूमा समेत प्रतिद्वन्द्वीहरूलाई चनाखो हुनुपर्ने संकेत दिएको छ ।

तपाइको प्रतिक्रिया
शीर्ष नेताको सम्बोधन, रित्तो दर्शक दीर्घा: मोरङमा कांग्रेस इतर पक्षको अधिवेशन
बहिरा फुटबल टोली दक्षिण कोरिया जाने
मत्स्यपोखरीमा चार दिन पर्यटन, संस्कृति र साहित्यको उत्सव
राप्रपामा अध्यक्षका लागि आधा दर्जन नेताको दौडधुप, लिङ्देनलाई चुनौती
लुम्बिनीले टस जितेर बलिङ रोज्दा सुदूरपश्चिम पहिले ब्याटिङ गर्दै
विराटनगरमा कर दिवस मनाइयो, करदातामैत्री प्रणालीमा जोड
प्रहरीको नाममा भ्रामक सूचना फैलाउने दुई जना नियन्त्रणमा पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
नोबेल मेडिकल कलेज छैटौँ पटक उत्कृष्ट करदाता सम्मानबाट सम्मानित
रुसी खगोल विज्ञान ओलम्पियाडमा एभरेस्टकी स्नेहालाई कांस्य
© 2024 Muluki Khabar. All Rights Reserved. Design & Develop By: Indesign Media Pvt. Ltd.