
काठमाडौं । नेपाल प्रिमियर लिग (एनपीएल) को बुधबार जारी १२ औं खेलमा विराटनगर किंग्सले टस जितेर पहिलो फिल्डिङ गर्ने निर्णय गरेको छ।
कीर्तिपुरस्थित त्रिवि क्रिकेट मैदानमा विराटनगरले टस जितेर फिल्डिङ गर्दै चितवन राइनोजलाई पहिले ब्याटिङ गर्ने निम्तो दिएको छ।
सन्दीपको कप्तानीमा रहेको विराटनगर यसअघिका लगातार ३ खेलमा जितसहित तालिकाको दोस्रो स्थानमा छ।
कुशल मल्लको नेतृत्वमा रहेको चितवन २ खेलबाट २ अंकका साथ तालिकाको चौथो स्थानमा छ।
विराटनगर लगातार चौथो खेल जित्दै प्ले अफमा आफ्नो दाबेदारी प्रस्तुत गर्ने दाउमा छ। यसअघि एकमा हार र एकमा जित निकालेको चितवन आजको खेल जितेर विराटनगरको अपराजित यात्रामा विराम लगाउने योजनामा छ।

























