
काठमाडौँ । अन्तर्राष्ट्रिय बजारमा आएको उतारचढाव, मूल्यमा भएको क्रमिक वृद्धि र मागमा देखिएको परिवर्तनले आन्तरिक बजारमा सुनको भाउ निरन्तर उकालो लागिरहेको छ ।
नेपाल सुनचाँदी व्यवसायी महासङ्घका अनुसार आज (आइतबार) एक तोला सुनको मूल्य २ लाख ५२ हजार २०० रुपैयाँ कायम भएको छ । आज चाँदीको मूल्य पनि बढेर तोलामा ३ हजार ४९० निर्धारण गरिएको छ ।
शुक्रबार सुनको मूल्य प्रतितोला २ लाख ५० हजार ६०० कायम भएको थियो भने एक तोला चाँदी ३ हजार ३४५ मा कारोबार भएको थियो ।
अन्तरराष्ट्रिय सञ्चारमाध्यमहरूका अनुसार आज एक औँस सुन चार हजार १७५ र त्यति नै चाँदै ५४ अमेरिकी डलरमा कारोबार भइरहेको छ ।

























