प्याब्सन स्पोर्ट्स मिट सुरु 

Share this
687shares
मुलुकी खबर
मुलुकी खबर
clock२०८२ मंसिर १५, सोमबार १९:०७
प्याब्सन स्पोर्ट्स मिट सुरु 

विराटनगर । विराटनगरमा १५ औँ संस्करणको ‘प्याब्सन स्पोर्ट्स मिट’ सुरु भएको छ । निजी तथा आवासीय विद्यालय अर्गनाइजेसन (प्याब्सन) मोरङले विभिन्न खेलकुदलाई समेटर निरन्तर रुपमा प्रतियोगिताको आयोजना गर्दै आएको छ ।

प्याब्सन स्पोर्ट्स मिटअन्तर्गत फुटबल खेलमा कक्षा १२ तर्फ ६ वटा विद्यालय विजयी भएका छन् ।
विराटनगरको सहिद मैदानमा भएको खेलमा सेन्ट जोसेफ स्कुल, हरैँचा मोडल, ब्राइटफ्युचर, पशुपति, भृकुटी र रेडस्टार स्कुलले जित निकालेको छ ।

प्रतियोगिताको पहिलो खेलमा सेन्ट जोसेफ स्कुलले एभरेष्ट स्कुललाई ४–१ गोलमा पराजित गर्‍यो । म्यान अफ द म्याच सेन्ट जोसेफका आशिष दास भए ।

दोस्रो खेलमा हरैँचा मोडल स्कुलले द राइजिङ स्कुललाई ३–१ गोलले पराजित गर्‍यो । हरैंचा मोडलका लक्ष्मी विश्वास ‘म्यान अफ द म्याच’ भए । तेस्रो खेलमा ब्राइटफ्युचर स्कुलले शिक्षासदन स्कुललाई ३–१ गोलमा हरायो । म्यान अफ द म्याच ब्राइटफ्युचरका आयुष न्यौपाने भए ।

त्यस्तै, आजै भएको चौथो खेलमा पशुपति स्कुलले बेलबारीको सगरमाथा स्कुललाई २–० गोलमा पराजित गर्‍यो । पशुपतिका विधान मगर खेलको म्यान अफ द म्याच भए ।

पाँचौँ खेलमा भृकुटी स्कुलले नोबेल एजुकेसनलाई टाइब्रेकरमा ४–३ गोलले पराजित गर्‍यो । खेलको निर्धारित समयमा दुवै टोलीबाट गोल नभएपछि खेल टाइब्रेकरमा धकेलिएको थियो । खेलको म्यान अफ द म्याच भृकुटीका सुशान्त खड्का भए ।

छैटौँ खेलमा पथरीको रेडस्टार स्कुलले सुनगाभा स्कुललाई ३–१ गोलले पराजित गर्‍यो । खेलमा रेडस्टारका सौगात राई म्यान अफ द म्याच घोषित भएको आयोजकले जनाएको छ ।

तपाइको प्रतिक्रिया
शीर्ष नेताको सम्बोधन, रित्तो दर्शक दीर्घा: मोरङमा कांग्रेस इतर पक्षको अधिवेशन
बहिरा फुटबल टोली दक्षिण कोरिया जाने
मत्स्यपोखरीमा चार दिन पर्यटन, संस्कृति र साहित्यको उत्सव
राप्रपामा अध्यक्षका लागि आधा दर्जन नेताको दौडधुप, लिङ्देनलाई चुनौती
लुम्बिनीले टस जितेर बलिङ रोज्दा सुदूरपश्चिम पहिले ब्याटिङ गर्दै
विराटनगरमा कर दिवस मनाइयो, करदातामैत्री प्रणालीमा जोड
प्रहरीको नाममा भ्रामक सूचना फैलाउने दुई जना नियन्त्रणमा पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
नोबेल मेडिकल कलेज छैटौँ पटक उत्कृष्ट करदाता सम्मानबाट सम्मानित
रुसी खगोल विज्ञान ओलम्पियाडमा एभरेस्टकी स्नेहालाई कांस्य
© 2024 Muluki Khabar. All Rights Reserved. Design & Develop By: Indesign Media Pvt. Ltd.