जनकपुर ३ रनले कर्णालीसँग पराजित

Share this
784shares
मुलुकी खबर
मुलुकी खबर
clock२०८२ मंसिर २१, आइतबार १९:३८

काठमाडौं । नेपाल प्रिमियर लिग (एनपीएल) मा कर्णाली याक्ससँग जनकपुर बोल्ट्स पराजित भएको छ । एनपीलको पहिलो संस्करणको विजेता जनकपुर बोल्ट्स कर्णालीसँगको हारसँगै प्रतियोगिताबाट बाहिरिएको हो ।

आइतबार भएको लिग चरणको अन्तिम खेलमा जनकपुर कर्णाली याक्ससँग ३ रनको झिनो अन्तरले पराजित भएको हो । यो हारसँगै डिफेन्डिङ च्याम्पियन जनकपुर जारी सिजनमा खेलेका ७ खेलमध्ये ६ खेलमा पराजित हुँदै अंक तालिकाको पुछारमा रहेर प्रतियोगिताबाट बाहिरिएको छ ।

उता सान्त्वना जित निकालेको कर्णाली याक्सले भने ४ अंकसहित छैटौं स्थानमा रहँदै प्रतियोगिता सकाएको छ ।

कर्णालीले प्रस्तुत गरेको १३० रनको मध्यम लक्ष्य पछ्याएको जनकपुरले निर्धारित २० ओभरमा ७ विकेट गुमाउँदै १२६ रन मात्र बनाउन सक्यो ।

खराब सुरुवात गरेको जनकपुरले २९ रन जोड्दा आफ्ना शीर्ष ४ ब्याटर गुमाइसकेको थियो ।

ओपनर आसिफ शेख र अनिल साह शून्यमै आउट भए । तर, मध्यक्रममा सञ्जय कृष्णमूर्तिले सम्हालिएको पारी खेले । उनले ५१ रनको अर्धशतकीय पारी खेले पनि टोलीलाई जित दिलाउन सकेनन् । उनलाई संगीत कोरेले २५ रन बनाएर साथ दिएका थिए।

अन्तिम ओभरमा जितका लागि जनकपुरलाई १२ रन आवश्यक थियो । तर, कर्णालीका बलरहरूले कसिलो बलिङ गर्दै ३ रनले खेल आफ्नो पक्षमा पारे । बलिङतर्फ कर्णालीका विलियम बोसिस्टोले २ विकेट लिए भने मार्क वाट, नन्दन यादव र सोमपाल कामीले १–१ विकेट लिए ।

यसअघि टस हारेर ब्याटिङको निम्तो पाएको कर्णालीले निर्धारित २० ओभरमा ९ विकेट गुमाएर १२९ रन बनाएको थियो ।

कर्णालीका लागि इमरान शेखले सर्वाधिक ३३ रन बनाए। गुल्सन झाले १९ रन जोड्दा कप्तान सोमपाल कामीले अन्त्यमा ११ बलमा आक्रामक १८ रन बनाएर टोलीलाई सम्मानजनक स्कोरमा पुर्‍याएका थिए।

जनकपुरका ललित राजवंशी र आदित्य महताले २–२ विकेट लिएका थिए ।

आजको खेल दुवै टोलीका लागि प्रतिष्ठाको विषय मात्र थियो। अंक तालिकाको पुछारमा रहेका यी दुवै टोली प्लेअफको दौडबाट यसअघि नै बाहिरिइसकेका थिए।

यो सिजन सुदूरपश्चिम रोयल्स, विराटनगर किंग्स, काठमाडौं गोर्खाज र लुम्बिनी लायन्स प्लेअफमा पुग्न सफल भएका छन्।

तपाइको प्रतिक्रिया
शीर्ष नेताको सम्बोधन, रित्तो दर्शक दीर्घा: मोरङमा कांग्रेस इतर पक्षको अधिवेशन
बहिरा फुटबल टोली दक्षिण कोरिया जाने
मत्स्यपोखरीमा चार दिन पर्यटन, संस्कृति र साहित्यको उत्सव
राप्रपामा अध्यक्षका लागि आधा दर्जन नेताको दौडधुप, लिङ्देनलाई चुनौती
लुम्बिनीले टस जितेर बलिङ रोज्दा सुदूरपश्चिम पहिले ब्याटिङ गर्दै
विराटनगरमा कर दिवस मनाइयो, करदातामैत्री प्रणालीमा जोड
प्रहरीको नाममा भ्रामक सूचना फैलाउने दुई जना नियन्त्रणमा पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
नोबेल मेडिकल कलेज छैटौँ पटक उत्कृष्ट करदाता सम्मानबाट सम्मानित
रुसी खगोल विज्ञान ओलम्पियाडमा एभरेस्टकी स्नेहालाई कांस्य
© 2024 Muluki Khabar. All Rights Reserved. Design & Develop By: Indesign Media Pvt. Ltd.