५ करोड लगानीको ‘विराट स्पोर्ट्स जोन’ मंसिर २७ देखि सञ्चालनमा आउने

Share this
734shares
मुलुकी खबर
मुलुकी खबर
clock२०८२ मंसिर २५, बिहीबार १७:०१

विराटनगर । कोशी प्रदेशमा आधुनिक खेलकुद पूर्वाधारको विकास गर्ने लक्ष्यसहित ५ करोड रुपैयाँको लगानीमा विराटनगरको पुष्पमार्गमा  निर्माण गरिएको विराट स्पोर्ट्स जोन मंसिर २७ गतेदेखि औपचारिक रूपमा सञ्चालनमा आउने भएको छ ।

३० कठ्ठा क्षेत्रफलमा विस्तार गरिएको यो संरचनाले प्रदेशको खेलकुद क्षेत्रमा नयाँ मानक स्थापित गर्ने उद्देश्य राखेको छ । अध्यक्ष हरि बजगाईंको नेतृत्वमा रहेको व्यवस्थापन समितिले विराट स्पोर्ट्स जोनलाई सुरक्षित, आकर्षक र अन्तर्राष्ट्रिय स्तरको खेलकुद केन्द्रका रूपमा विस्तार गर्ने कार्यलाई निरन्तरता दिइरहेको छ ।

‘महिला खेलाडीलाई आकर्षण गर्ने मात्रै होइन, उनीहरुको खेल स्तरलाई विकास गर्ने उद्देश्यका साथ निःशुल्क प्रशिक्षणको व्यवस्था गरिएको छ । क्रिकेट र फुटबलमा सुरुमा भर्ना भएका ५०–५० जना महिला खेलाडीलाई प्रशिक्षण वापतको भर्ना र मासिक शुल्क पूर्ण रुपमा निःशुल्क गरिने छ,’ अध्यक्ष बजागाईंले भने ।

स्पोर्ट्स जोनभित्र फुटसल, क्रीकसल, स्केटिङ, गो-कार्ट, ब्याडमिन्टन, पिकल बल र टेबल टेनिसजस्ता खेलकुद गतिविधि नियमित रूपमा सञ्चालनमा आउँदैछन् । यसबाहेक, अन्तर्राष्ट्रिय मापदण्डअनुसार निर्माण गरिएको नेपालकै व्यवस्थित र ठूलो क्रिकेट एकेडेमी यस स्पोर्ट्स जोनको प्रमुख आकर्षण हो ।

स्पोर्ट्स जोनले फुटबल, तेक्वान्दो र स्केटिङ प्रशिक्षण कार्यक्रमहरू पनि अनुभवी प्रशिक्षकहरूको निर्देशनमा व्यवस्थित रूपमा सञ्चालन गर्ने जनाएको छ । साथै, खेलकुदमैत्री वातावरण सृजना गर्न पूर्ण रूपमा शाकाहारी र स्वास्थ्य अनुकूल भोजन उपलब्ध गराउने क्याफे १००५ भेज सञ्चालनमा ल्याइएको छ ।

विराट स्पोर्ट्स जोनले भविष्यमा स्वीमिङ पुल र इन्डोर गेमिङ जोन लगायतका थप आधुनिक पूर्वाधार निर्माण गरी संरचनालाई व्यापक बनाउने दीर्घकालीन योजना अघि सारेको जानकारी पनि दिएको छ । ‘विराट स्पोर्ट्स जोन’का बारेमा जानकारी दिन बिहीबार आयोजित पत्रकार सम्मेलनमा जोनका अध्यक्ष हरि बजगाईं, सचिव नवराज काफ्ले, कोषाध्यक्ष राज ढकाललगायतको उपस्थिति रहेको थियो ।

तपाइको प्रतिक्रिया
शीर्ष नेताको सम्बोधन, रित्तो दर्शक दीर्घा: मोरङमा कांग्रेस इतर पक्षको अधिवेशन
बहिरा फुटबल टोली दक्षिण कोरिया जाने
मत्स्यपोखरीमा चार दिन पर्यटन, संस्कृति र साहित्यको उत्सव
राप्रपामा अध्यक्षका लागि आधा दर्जन नेताको दौडधुप, लिङ्देनलाई चुनौती
लुम्बिनीले टस जितेर बलिङ रोज्दा सुदूरपश्चिम पहिले ब्याटिङ गर्दै
विराटनगरमा कर दिवस मनाइयो, करदातामैत्री प्रणालीमा जोड
प्रहरीको नाममा भ्रामक सूचना फैलाउने दुई जना नियन्त्रणमा पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
नोबेल मेडिकल कलेज छैटौँ पटक उत्कृष्ट करदाता सम्मानबाट सम्मानित
रुसी खगोल विज्ञान ओलम्पियाडमा एभरेस्टकी स्नेहालाई कांस्य
© 2024 Muluki Khabar. All Rights Reserved. Design & Develop By: Indesign Media Pvt. Ltd.