यस्ताे छ भारतमा स्टार फुटबलर लियोनल मेस्सीकाे भ्रमण तालिका

काठमाडौं । स्टार फुटबलर अर्जेन्टिनाका लियोनल मेस्सी  भारतको कोलकाता आइपुगेका पुगेका छन् । उनीसँगै फुटबलर लुइस सुआरेज र रोड्रिगो डी पाल पनि आएका छन् ।

मेस्सी जीओएटी इन्डिया टुर–२०२५ का लागि कोलकाता पुगेका हुन् । समाचार एजेन्सी पीटीआईका अनुसार मेस्सीको स्वागतका लागि हजारौं फ्यानहरू बसेका थिए । मेस्सी सवार विमान शनिबार बिहान २ बजेर २६ मिनेट जाँदा (भारतीय समयअनुसार) कोलकातामा अवतरण भएको थियो ।

जीओएटी इन्डिया टुर–२०२५ अन्तगर्त मेस्सी तीन दिन भारत बसाइँमा हुने छन् । यस दौरान उनी भारतका चार शहरको भ्रमण गर्नेछन् ।

१४ वर्षपछि उनी भारत आएका हुन् । उनले हैदरावादमा मैत्रीपूर्ण फुटबल खेल्नेछन् । उनले बलिउड स्टार शाहरुख खान, पश्चिम बंगालकी मुख्यमन्त्री ममता बनर्जी र इन्डियन क्रिकेट टिमका पूर्व कप्तान सौरभ गांगुली, सचिन तेन्दुलकरलगायतसँग पनि उनले भेट्ने कार्यक्रम छ । १५ डिसेम्बरमा उनले प्रधानमन्त्री नरेन्द्र मोदीसँग भेट्ने कार्यक्रम छ । त्यसपछि उनी अमेरिका फर्कनेछन् ।