
विराटनगर । नेपालका स्टार लेग–स्पिनर सन्दीप लामिछानेले बंगलादेश प्रिमियर लिग (बीपीएल) २०२६ खेल्ने भएका छन् । उनलाई राजशाही वारियर्सले अनुबन्ध गरेको छ ।
यो बंगलादेशको टी– २० प्रतियोगितामा उनको पहिलो उपस्थिति हुनेछ । लामिछाने विश्वव्यापी फ्रेन्चाइज क्रिकेटमा परिचित खेलाडी हुन् ।
नेपाल प्रिमियर लिगमा उनले विराटनगर किङ्ग्सकाे नेतृत्व गरेका छन् ।
लामिछानेले आइपीएल, क्यारेबियन प्रिमियर लिग (सीपीएल), बिग ब्यास लिग (बीबीएल) र क्यानडाको ग्लोबल टी–२० लिग जस्ता प्रमुख प्रतियोगिताहरूमा खेलिसकेका छन् । नेपालका लागि ६८ टी– २० अन्तर्राष्ट्रिय इनिङमा लामिछानेले १२९ विकेट लिएका छन् ।

























