रेड पान्डा म्याराथनमा गजेन्द्र र निर्मला प्रथम

Share this
755shares
मुलुकी खबर
मुलुकी खबर
clock२०८२ पुस १, मंगलबार १५:०७
रेड पान्डा म्याराथनमा गजेन्द्र र निर्मला प्रथम

इलाम । रेड पान्डा संरक्षण गर्ने उद्देश्यका साथ इलाममा आयोजना गरिएको रेड पान्डा म्याराथन प्रतियोगितामा गजेन्द्र राई र निर्मला राई प्रथम भएका छन् । स्थानीय पुरुषतर्फ राजन मेन्याङ्बो प्रथम भए ।

दीपज्योति युवा क्लबले विश्वकै दुर्लभ वन्यजन्तु रेड पान्डा तथा जैविक विविधता संरक्षणबारेमा जनचेतना जगाउने उद्देश्यले म्याराथन प्रतियोगिताको आयोजना गरेको जनाएको हो ।

मंगलबार बिहान साढे ७ बजे इलाम बजारबाट सन्दकपुर डाँडासम्म भएको म्याराथनमा नेपाल र भारतका ६२ धावक र ११ महिलाको सहभागिता रहेको थियो ।  प्रतियोगितामा गजेन्द्र राईले ४४.२ किलोमिटरको दूरी ४ घण्टा १२ मिनेटमा पार गर्दै प्रथम भए । करण रावल ४ घण्टा १३ मिनेटमा दूरी पार गर्दै दोस्रो भए भने ४ घण्टा १९ मिनेटमा उक्त दूरी पार गर्दै तेस्रो स्थान भए । उनीहरूले क्रमशः नगद १ लाख ५०, १ लाख र ५० हजार रुपैयाँका साथै ट्रफी प्राप्त गरे ।

त्यस्तै, महिलातर्फ खोटाङकी निर्मला राईले ५ घण्टा ४० मिनेट ३६ सेकेन्डमा दूरी पार गर्दै प्रथम, सुनसरी रोकाया ५ घण्टा ४० मिनेट ३९ सेकेन्डमा दूरी पार गर्दै द्वितीय र कल्पना बुढा ५ घण्टा ४० मिनेट ५७ सेकेन्डमा दूरी पार गर्दै तृतीय भए । उनीहरूले क्रमशः नगद १ लाख ५०, १ लाख र ५० हजार रुपैयाँका साथै ट्रफी प्राप्त गरे ।

प्रतियोगितामा सहभागी इलाम, पाँचथर र ताप्लेजुङका खेलाडीलाई भने स्थानीय धावकका रूपमा छुट्टै पनि मूल्यांकन गरी पहिलो, दोस्रो, तेस्रो र चौथो घोषणा गर्दै पुरस्कृत गरिएका छ ।

स्थानीय धावकका रूपमा पाँचथरका राजन मेन्याङ्बोलाई ४ घण्टा ३९ मिनेट १० सेकेन्डमा दूरी पार प्रथम, पाँचथरकै विशाल राईले ४ घण्टा ४३ मिनेट १८ सेकेन्डमा दूरी पार गर्दै द्वितीय, इलामका राजेन्द्र लिम्बूले ४ घण्टा ४९ मिनेट १८ सेकेन्डमा दूरी पार गर्दै तृतीय र ताप्लेजुङका रमेश लिम्बूले ५ घण्टा ३ मिनेट ५७ सेकेन्डमा दूरी पार गर्दै चौथो भए ।

स्थानीय धावकका रूपमा विजयी खेलाडीले  क्रमशः २५ हजार, २० हजार, १० हजार र ५ हजार रुपैयाँ पुरस्कार प्राप्त गरेको आयोजकले जनाएको छ ।

तपाइको प्रतिक्रिया
शीर्ष नेताको सम्बोधन, रित्तो दर्शक दीर्घा: मोरङमा कांग्रेस इतर पक्षको अधिवेशन
बहिरा फुटबल टोली दक्षिण कोरिया जाने
मत्स्यपोखरीमा चार दिन पर्यटन, संस्कृति र साहित्यको उत्सव
राप्रपामा अध्यक्षका लागि आधा दर्जन नेताको दौडधुप, लिङ्देनलाई चुनौती
लुम्बिनीले टस जितेर बलिङ रोज्दा सुदूरपश्चिम पहिले ब्याटिङ गर्दै
विराटनगरमा कर दिवस मनाइयो, करदातामैत्री प्रणालीमा जोड
प्रहरीको नाममा भ्रामक सूचना फैलाउने दुई जना नियन्त्रणमा पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
नोबेल मेडिकल कलेज छैटौँ पटक उत्कृष्ट करदाता सम्मानबाट सम्मानित
रुसी खगोल विज्ञान ओलम्पियाडमा एभरेस्टकी स्नेहालाई कांस्य
© 2024 Muluki Khabar. All Rights Reserved. Design & Develop By: Indesign Media Pvt. Ltd.