
विराटनगर । नेपाली बजारमा अघिल्लो दिनको तुलनामा आज (शुक्रबार) सुनचाँदीको मूल्य घटेको छ ।
नेपाल सुनचाँदी व्यवसायी महासंघका अनुसार सुन तोलाको २ हजार रूपैयाँले घटेको छ । भाउ घटेसँगै सुन प्रतितोला २ लाख ५८ हजार ४ सय रूपैयाँमा किनबेच भइरहेको छ । अघिल्लो दिन अर्थात्, बिहीबार सुनको मूल्य २ लाख ६० हजार ४ सय रूपैयाँ थियो ।
त्यस्तै, चाँदीको मूल्य प्रतितोला ७५ रूपैयाँले घटेको छ । भाउ घटेसँगै चाँदीको मूल्य प्रतितोला ४ हजार ५ रूपैयाँ कायम भएको छ । बिहीबार चाँदी तोलाको ४ हजार ८० रूपैयाँ थियो ।

























