पूर्वी नाकाबाट अलैँचीको निर्यात बढ्यो, चियाको घट्यो

Share this
734shares
मुलुकी खबर
मुलुकी खबर
clock२०८२ पुस १२, शनिबार ०९:४२

भद्रपुर । चालु आर्थिक वर्ष २०८२–०८३ को ५ महिनामा पूर्वी नाका काँकडभिट्टाबाट अलैँची निर्यातमा उल्लेख्य वृद्धि भएको छ ।

मंसिर मसान्तसम्म अलैँचीको निर्यात अघिल्लो वर्षको सोही अवधिको तुलनामा ६० दशमलव १० प्रतिशतले बढेको हो । मेची भन्सार कार्यालयको तथ्यांक अनुसार यो अवधिमा ५ अर्ब ५३ करोड ३२ लाख ४९ हजार बराबरको अलैँची विदेश निर्यात भएको छ ।

अलैँचीको निर्यात अवस्था पूर्वी नेपालका किसान र व्यापारीका लागि उत्साहजनक संकेत हो । मेची भन्सार कार्यालयका सूचना अधिकारी ईश्वरकुमार हुमागाईंका अनुसार चालु आर्थिक वर्षको ५ महिनाको अवधिमा २ हजार ६ सय २२ दशमलव १० मेट्रिक टन अलैँची निर्यात भएको छ ।

अघिल्लो आर्थिक वर्ष २०८१–०८२ को यही अवधिमा अलैँची निर्यात ३ अर्ब ४५ करोड ६३ लाखमा सीमित थियो । यस वर्ष निर्यात मूल्य र परिमाण दुवैमा भएको वृद्धिले अन्तर्राष्ट्रिय बजारमा नेपाली अलैँचीको माग बढिरहेको देखिएको छ ।

विशेष गरी भारतसहित तेस्रो मुलुकमा निर्यात बढ्नुले पूर्वी पहाडी जिल्लाका कृषकको आम्दानीमा सकारात्मक प्रभाव पर्ने अपेक्षा गरिएको छ । अलैँचीको निर्यातमा उत्साहजनक वृद्धि देखिँदा पनि चियाको निर्यात भने घट्दो क्रममा देखिएको छ ।

भन्सार कार्यालयको तथ्यांक अनुसार चालु आवको पाँच महिनामा चिया निर्यात ३१ दशमलव ४० प्रतिशतले घटेको छ । यस अवधिमा १ अर्ब ८५ करोड ६२ लाख ७ हजार बराबरको चिया मात्र निर्यात भएको छ ।

अघिल्लो आव २०८१–०८२ को सोही अवधिमा २ अर्ब ७० करोड ३९ लाख ३६ हजार बराबरको चिया निर्यात भएको थियो । उत्पादन लागत, अन्तर्राष्ट्रिय मूल्य र प्रतिस्पर्धी बजारको दबाबका कारण चिया निर्यात प्रभावित भएको व्यापारीहरूको बुझाइ छ ।

मेची भन्सारबाट निर्यात हुने अन्य वस्तुहरूतर्फ हेर्दा केहीमा उल्लेखनीय वृद्धि देखिएको छ भने केहीमा गिरावट आएको छ । चालु आवको ५ महिनामा भेनीयर सिटको निर्यात १२९ दशमलव ९० प्रतिशतले बढेको छ । छुर्पी ३२ प्रतिशत, अदुवा र सुठो ४८ दशमलव ७० प्रतिशत, काउली, ब्रोकाउली र बन्दागोपी ३६ दशमलव १० प्रतिशतले वृद्धि भएको छ ।

मुसुरो दालको निर्यातमा त झनै उल्लेखनीय उछाल देखिएको छ । जसमा ४८१ प्रतिशतले वृद्धि भएको भन्सारको तथ्यांकले देखाउँछ । तथ्यांकले कृषि र प्रशोधित वस्तुको निर्यातमा विविधता बढ्दै गएको संकेत गर्छ ।

तर, सबै वस्तुमा सकारात्मक चित्र भने देखिएको छैन । प्लाउडको निर्यात ४६ प्रतिशतले घटेको छ । अम्रिसो निर्यात ३५ दशमलव ५० प्रतिशतले घट्दा फलामे पाताको निर्यातमा ९७ दशमलव ८० प्रतिशतले घटेको छ । उद्योगजन्य वस्तुको निर्यात घट्नुले कच्चा पदार्थ, ऊर्जा लागत र बजार पहुँचका समस्यातर्फ संकेत गरेको विश्लेषण छ ।

समग्रमा हेर्दा चालु आर्थिक वर्ष २०८२–०८३ को पहिलो ५ महिनामा मेची भन्सारबाट १० अर्ब ७१ करोड ५४ लाख १३ हजार बराबरको मालवस्तु निर्यात भएको छ । अलैँचीको निर्यातले समग्र व्यापारलाई माथि तानेको भए पनि चिया र केही औद्योगिक वस्तुमा आएको गिरावटले व्यापार सन्तुलनलाई चुनौती दिएको देखिन्छ ।

आगामी दिनमा अन्तर्राष्ट्रिय बजारको अवस्था, मूल्य स्थिरता र सरकारी सहजीकरणले निर्यातको गति कस्तो रहने भन्ने चासो बढेको छ । मालवस्तुको निर्यातमा वृद्धि गर्न सरकारले चासो दिनुपर्ने व्यापारीहरु बताउँछन् ।

तपाइको प्रतिक्रिया
शीर्ष नेताको सम्बोधन, रित्तो दर्शक दीर्घा: मोरङमा कांग्रेस इतर पक्षको अधिवेशन
बहिरा फुटबल टोली दक्षिण कोरिया जाने
मत्स्यपोखरीमा चार दिन पर्यटन, संस्कृति र साहित्यको उत्सव
राप्रपामा अध्यक्षका लागि आधा दर्जन नेताको दौडधुप, लिङ्देनलाई चुनौती
लुम्बिनीले टस जितेर बलिङ रोज्दा सुदूरपश्चिम पहिले ब्याटिङ गर्दै
विराटनगरमा कर दिवस मनाइयो, करदातामैत्री प्रणालीमा जोड
प्रहरीको नाममा भ्रामक सूचना फैलाउने दुई जना नियन्त्रणमा पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
नोबेल मेडिकल कलेज छैटौँ पटक उत्कृष्ट करदाता सम्मानबाट सम्मानित
रुसी खगोल विज्ञान ओलम्पियाडमा एभरेस्टकी स्नेहालाई कांस्य
© 2024 Muluki Khabar. All Rights Reserved. Design & Develop By: Indesign Media Pvt. Ltd.