दुई दर्जन विद्यालयलाई फिफाको फुटबल

Share this
724shares
मुलुकी खबर
मुलुकी खबर
clock२०८२ पुस २५, शुक्रबार ११:५०

भद्रपुर । नेपालमा तल्लो तह (ग्रासरुट) बाटै फुटबल खेलको विकास गर्ने उद्देश्यले विश्व फुटबलको सर्वोच्च संस्था फिफाले उपलब्ध गराएको फुटबल झापामा वितरण गरिएको छ। अखिल नेपाल फुटबल संघ (एन्फा) मार्फत प्राप्त एडिडास ब्रान्डका फुटबलहरू शुक्रबार भद्रपुरस्थित मेची रंगशालामा आयोजित एक समारोहका बीच वितरण गरिएको हो।

एन्फाले सञ्चालन गरेको ‘फिफा फुटबल फर स्कुल’ कार्यक्रमअन्तर्गत आवेदन दिएका र छनोटमा परेका झापाका दुई दर्जन विद्यालयलाई फुटबल हस्तान्तरण गरिएको छ। झापा जिल्ला फुटबल संघका अध्यक्ष एवं प्रशिक्षक भगिरथ आले ‘मामा’ को अध्यक्षतामा भएको कार्यक्रममा एन्फाका केन्द्रीय अध्यक्ष पंकजविक्रम नेम्बाङले विद्यालयका प्रतिनिधिहरूलाई फुटबल प्रदान गरे।

कार्यक्रमका प्रमुख अतिथि नेम्बाङले फिफाको यो सहयोगले विद्यालयस्तरबाटै सक्षम फुटबल जनशक्ति उत्पादन गर्न ठूलो मद्दत पुग्ने विश्वास व्यक्त गरे। समारोहमा दक्षिण एसियाली फुटबल महासंघका महासचिव पुरुषोत्तम कट्टेल, भद्रपुर नगरपालिकाका प्रमुख गणेश पोखरेल र झापा जिल्ला खेलकुद विकास समितिका अध्यक्ष भेषराज भण्डारी ‘प्रशान्त’ ले एन्फाको यस पहलकदमीको प्रशंसा गरे।

विशिष्ट अतिथिहरू एन्फा उपाध्यक्ष दावा लामा, दिपक खतिवडा र भद्रपुर झापा गोल्डकपका अध्यक्ष दिपेश ढकालले पनि फुटबल वितरणले नानीबाबुहरूमा खेलप्रति रुचि जगाउने बताए। जिल्ला फुटबल संघका उपाध्यक्ष मनिष दाहालले स्वागत गरेको कार्यक्रमको सञ्चालन सदस्य गोपाल पोखरेलले गरेका थिए। फिफाले विश्वका केही सीमित मुलुकहरूमा मात्र यो कार्यक्रम सञ्चालन गरेको र नेपालले पनि यो अवसर पाउनु गौरवको कुरा भएको अध्यक्ष आलेले जानकारी दिए।

तपाइको प्रतिक्रिया
शीर्ष नेताको सम्बोधन, रित्तो दर्शक दीर्घा: मोरङमा कांग्रेस इतर पक्षको अधिवेशन
बहिरा फुटबल टोली दक्षिण कोरिया जाने
मत्स्यपोखरीमा चार दिन पर्यटन, संस्कृति र साहित्यको उत्सव
राप्रपामा अध्यक्षका लागि आधा दर्जन नेताको दौडधुप, लिङ्देनलाई चुनौती
लुम्बिनीले टस जितेर बलिङ रोज्दा सुदूरपश्चिम पहिले ब्याटिङ गर्दै
विराटनगरमा कर दिवस मनाइयो, करदातामैत्री प्रणालीमा जोड
प्रहरीको नाममा भ्रामक सूचना फैलाउने दुई जना नियन्त्रणमा पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
नोबेल मेडिकल कलेज छैटौँ पटक उत्कृष्ट करदाता सम्मानबाट सम्मानित
रुसी खगोल विज्ञान ओलम्पियाडमा एभरेस्टकी स्नेहालाई कांस्य
© 2024 Muluki Khabar. All Rights Reserved. Design & Develop By: Indesign Media Pvt. Ltd.