सूर्य नेपाल इस्टर्न ओपनमा निरजलाई अग्रता

Share this
674shares
मुलुकी खबर
मुलुकी खबर
clock२०८२ पुस ३०, बुधबार १८:२९
सूर्य नेपाल इस्टर्न ओपनमा निरजलाई अग्रता

काठमाडौं । सूर्य नेपाल गल्फ टुर २०२५–२६ अन्तर्गत दोस्रो प्रतियोगिता सूर्य नेपाल इस्टर्न ओपनको पहिलो दिन नेपाल नम्बर १ प्रो गल्फर निरज तामाङ ६–अन्डर ६४ को उत्कृष्ट स्कोरमा शीर्ष स्थानमा रहन सफल भएका छन् ।

निरजले टंकबहादुर कार्की र बलभद्र राईलाई १८ होलको समाप्तिमा ३ स्ट्रोकको अग्रता बनाएका छन् । ३–अन्डर ६७ को स्कोर बनाएका टंक र बलभद्र संयुक्त रूपमा दोस्रो स्थानमा रहेका छन् ।

१–अन्डर ६९ को स्कोरमा २ पूर्व नम्बर १ गल्फर शुक्रबहादुर राई र भुवन नगरकोटी तथा २ एमेच्योर खेलाडी प्रकृत तामाङ र राहुल विश्वकर्माले संयुक्त रूपमा चौथो स्थान बाँडे । यस्तै, इभन–पार ७० को स्कोर बनाएका रवि खड्का, जयराम श्रेष्ठ र सुमन परियार पहिलो दिनको समाप्तिमा संयुक्त रूपमा ८ औँ स्थानमा रहेका छन् ।

धरान गल्फ क्लबमा डिफेन्डिङ च्याम्पियन निरजले सानदार सुरुवात गर्ने क्रममा दोस्रो होलमा बोगी प्रहार गरे । यसपछि भने तेस्रो, पाँचौँ, छैटौँ र नवौँ होलमा बर्डीको सफलतामा फ्रन्ट नाइन ३–अन्डर ३३ खेले । यसपछि १२ औँ, १३ औँ, १६ औँ र १८ औँ होलमा १–१ सट बचाए । १५ औँ होलमा बोगी खेप्दै ब्याक नाइन ३–अन्डर ३१ मा सकाए ।

टंकले भने फ्रन्ट नाइन १–अन्डर ३५ मा पूरा गर्ने क्रममा दोस्रो होलमा १ सेट खेर फाले । आठौँ र नवौँ होलमा लगातार २ बर्डी प्रहार गरे । यसपछि १४ औँ र १८ औँ होलमा १–१ सट बचाएका उनले ब्याक नाइन बोगीरहित २–अन्डर ३२ खेले ।

धरानका भेट्रान प्रो बलभद्रले बोगी रहित फ्रन्ट नाइन खेल्ने क्रममा तेस्रो र सातौं होलको बर्डीले २–अन्डर ३४ को नतिजा निकाले । १० औँ होलमा बोगी प्रहार गर्दा १५ औँ र १८ औँ होलको बर्डीले ब्याक नाइन १–अन्डर ३३ मा सकाए ।

एमेच्योरतर्फ राहुल र प्रकृत १–अन्डर ६९ सहित संयुक्त रूपमा शीर्ष स्थानमा रहेका छन् । राम तामाङ १–ओभर ७१ सहित तेस्रो स्थानमा रहे ।

सूर्य नेपालको प्रायोजनमा ३ दिनसम्म चल्ने ५४ होलको प्रतिस्पर्धामा कूल पुरस्कार राशि १० लाख ५० हजार रुपैयाँ रहेको छ । प्रतियोगिताको उपाधि विजेताले १ लाख ७० हजार रुपैयाँ प्राप्त गर्नेछन् । उपविजेताले १ लाख २५ हजार र तेस्रो स्थान हासिल गर्ने खेलाडीले १ लाख रुपैयाँ पुरस्कार पाउनेछन् । शीर्ष १८ स्थानसम्म रहने खेलाडीहरूले नगद पुरस्कार प्राप्त गर्नेछन् ।

प्रतियोगितामा ३० जना व्यावसायिक खेलाडी तथा ह्यान्डिक्याप ५ वा सोभन्दा कम भएका २२ एमेच्योर खेलाडीले उपाधिका लागि दाबेदारी प्रस्तुत गरेका छन् । ३६ होलको खेलपछि कट लागु हुनेछ । जसअनुसार शीर्ष १८ व्यावसायिक खेलाडी र सोही कटमा पर्ने एमेच्योरहरू अन्तिम चरणमा प्रवेश गर्नेछन् ।

प्रतियोगिताको समापन माघ ३ गते शनिबार प्रो–एम प्रतियोगितासँगै हुनेछ । प्रो–एम इभेन्टमार्फत एमेच्योर गल्फरहरूले व्यावसायिक खेलाडीसँग एउटै टिममा खेल्ने अवसर पाउनेछन् । जसले प्रतियोगितालाई थप आकर्षक बनाउने अपेक्षा गरिएको छ ।

सूर्य नेपाल गल्फ टुर २०२५–२६ मा कूल ८ प्रतियोगिता समावेश छन् । जसको समग्र पुरस्कार राशि ८० लाख रुपैयाँ रहेको छ । नेपालको प्रमुख व्यावसायिक गल्फ सर्किटका रूपमा स्थापित यो टुरले यस वर्ष पनि प्रतिस्पर्धात्मक र रोमाञ्चक खेल प्रस्तुत गर्ने अपेक्षा गरिएको छ ।

तपाइको प्रतिक्रिया
शीर्ष नेताको सम्बोधन, रित्तो दर्शक दीर्घा: मोरङमा कांग्रेस इतर पक्षको अधिवेशन
बहिरा फुटबल टोली दक्षिण कोरिया जाने
मत्स्यपोखरीमा चार दिन पर्यटन, संस्कृति र साहित्यको उत्सव
राप्रपामा अध्यक्षका लागि आधा दर्जन नेताको दौडधुप, लिङ्देनलाई चुनौती
लुम्बिनीले टस जितेर बलिङ रोज्दा सुदूरपश्चिम पहिले ब्याटिङ गर्दै
विराटनगरमा कर दिवस मनाइयो, करदातामैत्री प्रणालीमा जोड
प्रहरीको नाममा भ्रामक सूचना फैलाउने दुई जना नियन्त्रणमा पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
नोबेल मेडिकल कलेज छैटौँ पटक उत्कृष्ट करदाता सम्मानबाट सम्मानित
रुसी खगोल विज्ञान ओलम्पियाडमा एभरेस्टकी स्नेहालाई कांस्य
© 2024 Muluki Khabar. All Rights Reserved. Design & Develop By: Indesign Media Pvt. Ltd.