विराटनगर क्रिकेट लिगको तयारी अन्तिम चरणमा 

Share this
721shares
मुलुकी खबर
मुलुकी खबर
clock२०८२ माघ १, बिहीबार १७:४७
विराटनगर क्रिकेट लिगको तयारी अन्तिम चरणमा 

विराटनगर । विराटनगरमा ‘प्रथम विराटनगर क्रिकेट टी २० लिग’ प्रतियोगिताको तयारी अन्तिम चरणमा रहेको छ ।

विराटनगर महानगरपालिका –६ स्थित मेरीलेबोन विराटनगर ज्वाला क्रिकेट मैदानमा माघ २ गतेदेखि हुने प्रतियोगिताको तयारी अन्तिम चरणमा रहेको नेपाल क्रिकेट फाउन्डेसनले विराटनगरमा बिहीबार पत्रकार सम्मेलन गर्दै जानकारी दिएको हो ।

फाउन्डेसनका अध्यक्ष अभिषेक श्रेष्ठले विराटनगर र कोशी प्रदेशकै क्रिकेट खेलको विकास गर्ने उद्देश्यले प्रतियोगिता आयोजना गर्न लागेको जानकारी दिए । उनले प्रदेशमा पहिलो पटक नयाँ ढंगबाट सबैलाई समेट्ने तरिकाले प्रतियोगिता आयोजना गर्न लागेको बताए ।

प्रतियोगितामा भाग लिने ८ वटा टोली विराटनगरकै रहेका छन् । प्रत्येक टोलीमा यु १६ का १ जना, यु १९ का २ जनाका साथै मोरङ जिल्ला बाहिर तर, कोशी प्रदेशभित्रका अन्य जिल्लाको कम्तीमा २ जना र बढीमा ३ जना खेलाडी अनिवार्य राख्नु पर्ने प्रावधान बनाएको बताउँदै, अध्यक्ष श्रेष्ठले भने, ‘विराटनगरको मात्रै नभई कोशी प्रदेशकै क्रिकेट खेलको विकास हुन्छ भन्ने अपेक्षा लिएर पहिलो पटक प्रतियोगिता आयोजना गर्न लागेको हो । हाम्रो संस्थाले प्रदेशमा क्रिकेट खेलको विकासका लागि क्रिकेटको कोशी प्रदेश संघसँग सहकार्य गरेर आयोजना गरेका हौँ । यो खालको प्रतियोगिता प्रदेशमै पहिलो हो ।’

त्यस्तै, कोशी प्रदेश क्रिकेट एसोसिएसनका अध्यक्ष सर्वजितराज पाण्डेले प्रदेशमा नवीनतम प्रयोग गर्न लागेको जानकारी दिए । उनले यो लिगमा विराटनगर वा मोरङकै मात्रै नभई कोशी प्रदेशका अन्य जिल्लाबाट प्रतिनिधित्व होस् भनेर सहभागी क्लबमा अन्य जिल्लाका खेलाडीको अनिवार्यता गरेका छौं ।

क्रिकेटको गतिविधि शून्य भएका अवस्थामा दुवै संस्थाबीच सहकार्यमा प्रतियोगिताको सुरुवात गर्दै प्रदेशभर गर्ने योजना बनाएका छौं । जसले गर्दा क्रिकेटको गतिविधि चलायमान हुन्छ । यसले भविष्यमा कोशीको प्रतिनिधित्व गर्न सक्ने एउटा टिम तयार हुन्छ भन्ने अपेक्षाका साथ प्रतियोगिता गर्न लगेको पाण्डेले बताए ।

माघ १० गतेसम्म हुने प्रतियोगितामा ८ वटा टोलीको सहभागिता रहेको छ । समूह ‘ए’मा मिल्स क्रिकेट क्लब, विराट क्रिकेट एकेडेमी, एलाइट क्रिकेट क्लब र विराटनगर क्रिकेट क्लब एसोसिएसन तथा समूह ‘बी’ मा लायन क्रिकेट एकेडेमी, सिद्धार्थ क्रिकेट क्लब, कटहरी क्रिकेट क्लब र डाइनामिक क्रिकेट एसोसिएसनको सहभागिता रहेको छ ।

प्रतियोगिताको विजेताले नगद २५ हजार र उपविजेताले नगद १० हजार रुपैयाँका साथै ट्रफी प्राप्त गर्ने छन् भने व्यक्तिगत पुरस्कारसमेत रहेको आयोजकले जनाएको छ ।

तपाइको प्रतिक्रिया
शीर्ष नेताको सम्बोधन, रित्तो दर्शक दीर्घा: मोरङमा कांग्रेस इतर पक्षको अधिवेशन
बहिरा फुटबल टोली दक्षिण कोरिया जाने
मत्स्यपोखरीमा चार दिन पर्यटन, संस्कृति र साहित्यको उत्सव
राप्रपामा अध्यक्षका लागि आधा दर्जन नेताको दौडधुप, लिङ्देनलाई चुनौती
लुम्बिनीले टस जितेर बलिङ रोज्दा सुदूरपश्चिम पहिले ब्याटिङ गर्दै
विराटनगरमा कर दिवस मनाइयो, करदातामैत्री प्रणालीमा जोड
प्रहरीको नाममा भ्रामक सूचना फैलाउने दुई जना नियन्त्रणमा पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
नोबेल मेडिकल कलेज छैटौँ पटक उत्कृष्ट करदाता सम्मानबाट सम्मानित
रुसी खगोल विज्ञान ओलम्पियाडमा एभरेस्टकी स्नेहालाई कांस्य
© 2024 Muluki Khabar. All Rights Reserved. Design & Develop By: Indesign Media Pvt. Ltd.