विराटनगर क्रिकेट लिग सुरु: उद्घाटन खेलमा कटहरीको सानदार जित

Share this
815shares
मुलुकी खबर
मुलुकी खबर
clock२०८२ माघ २, शुक्रबार १५:३३

विराटनगर । नेपाल क्रिकेट फाउन्डेसनको आयोजनामा विराटनगर क्रिकेट लिग शुक्रबारदेखि मेरिवोन विराटनगर ज्वाला क्रिकेट मैदानमा सुरु भएको छ। कोशी प्रदेशको क्रिकेट विकास गर्ने उद्देश्यका साथ आयोजित यस प्रतियोगिताको उद्घाटन खेलमा कटहरी क्रिकेट क्लब एकेडेमीले लायन क्रिकेट एकेडेमीलाई ६९ रनको विशाल अन्तरले पराजित गर्दै सुखद सुरुवात गरेको छ।

टस जितेर पहिले ब्याटिङ रोजेको कटहरीले निर्धारित २० ओभरमा ४ विकेट गुमाउँदै १ सय ६४ रनको बलियो योगफल खडा गरेको थियो। कटहरीका लागि समिर यादवले १८ बलमा ५ छक्का प्रहार गर्दै विस्फोटक ४० रन बनाए भने आइसटेन रिजाल र अश्विन कामतले पनि समान ४०–४० रनको योगदान दिए। लायनका सन्दीप ढकाल, रुद्रप्रताप साह, रिदम सापकोटा र किथार्थ बस्नेतले १–१ विकेट लिएका थिए।

१ सय ६५ रनको विजयी लक्ष्य पछ्याएको लायन १८.५ ओभरमा सबै विकेट गुमाउँदै ९५ रनमै समेटियो। लायनका सकिव हकले ३५ र गौरभ कटवालले २७ रन जोडे पनि अन्य ब्याट्सम्यानले दोहोरो अंक छुन सकेनन्। बलिङतर्फ कटहरीका अश्विन महतले ३ र अश्विन कामतले २ विकेट लिए। खेलको प्लेयर अफ द म्याच कटहरीका अश्विन कामत घोषित भए।

फाउन्डेसनका अध्यक्ष अभिषेक श्रेष्ठले प्रदेशमै पहिलो पटक सबैलाई समेट्ने नयाँ ढङ्गबाट यो लिग आयोजना गरिएको बताए। प्रतियोगितामा मोरङका ८ क्लबलाई दुई समूहमा विभाजन गरिएको छ जसमा समूह ए मा मिल्स, विराटनगर क्रिकेट एकेडेमी, इलाइट र विराटनगर क्रिकेट क्लब एकेडेमी छन् भने समूह बी मा लायन, कटहरी, सिद्धार्थ र डाइनामिक क्रिकेट एकेडेमी रहेका छन्।

प्रत्येक टोलीमा १६ वर्ष मुनिका १ जना र १९ वर्ष मुनिका २ जनाका साथै मोरङ बाहिरका कम्तीमा २ जना खेलाडी अनिवार्य हुनुपर्ने प्रावधान राखिएको छ। लिगको आधारमा सञ्चालित यो प्रतियोगिताको फाइनल खेल माघ १० गते हुनेछ। प्रतियोगिता सम्पन्न गर्न करिब २ लाख ५० हजार रुपैयाँ खर्च हुने आयोजकको अनुमान छ।

तपाइको प्रतिक्रिया
शीर्ष नेताको सम्बोधन, रित्तो दर्शक दीर्घा: मोरङमा कांग्रेस इतर पक्षको अधिवेशन
बहिरा फुटबल टोली दक्षिण कोरिया जाने
मत्स्यपोखरीमा चार दिन पर्यटन, संस्कृति र साहित्यको उत्सव
राप्रपामा अध्यक्षका लागि आधा दर्जन नेताको दौडधुप, लिङ्देनलाई चुनौती
लुम्बिनीले टस जितेर बलिङ रोज्दा सुदूरपश्चिम पहिले ब्याटिङ गर्दै
विराटनगरमा कर दिवस मनाइयो, करदातामैत्री प्रणालीमा जोड
प्रहरीको नाममा भ्रामक सूचना फैलाउने दुई जना नियन्त्रणमा पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
नोबेल मेडिकल कलेज छैटौँ पटक उत्कृष्ट करदाता सम्मानबाट सम्मानित
रुसी खगोल विज्ञान ओलम्पियाडमा एभरेस्टकी स्नेहालाई कांस्य
© 2024 Muluki Khabar. All Rights Reserved. Design & Develop By: Indesign Media Pvt. Ltd.