स्पोर्ट्स मीट सुरु

Share this
749shares
मुलुकी खबर
मुलुकी खबर
clock२०८२ माघ २, शुक्रबार १५:४६

विराटनगर । विराटनगरको एभरेष्ट सेकेन्डरी स्कुलमा आजदेखि वार्षिक स्पोर्ट्स मीट सुरु भएको छ। सप्ताहव्यापी रूपमा सञ्चालन हुने यस कार्यक्रमको पहिलो दिन आज नर्सरीदेखि कक्षा ३ सम्मका विद्यार्थीहरूका लागि विभिन्न खेलकुद स्पर्धाहरू आयोजना गरिएका छन्।

विद्यालयकी अतिरिक्त क्रियाकलाप इन्चार्ज सुधा डंगोलका अनुसार पहिलो दिन साना बालबालिकाहरूका लागि ब्यालेन्स रेस, स्वीट रेस, म्यूजिकल चेयर, स्वीटर रेस र वेट पौरिङ जस्ता खेलहरू सञ्चालन भइरहेका छन्। त्यस्तै यूकेजीका विद्यार्थीहरूका लागि बेलुन फुटाउने, रेडि टु स्कुल र ५० मिटर दौडका स्पर्धा राखिएका छन् भने कक्षा १ का लागि बोतल भर्ने, म्याथ रेस र सियोमा धागो छिराउने प्रतियोगिता तय गरिएको छ।

कक्षा २ र ३ का विद्यार्थीहरूले ५० र १०० मिटर दौडका साथै म्याथ रेस र मार्वल एण्ड स्पून रेसमा प्रतिस्पर्धा गर्ने डंगोलले जानकारी दिइन्। स्पोर्ट्स मीट अन्तर्गत कक्षा ४ र ५ का लागि १०० र २०० मिटर दौड र म्याथ रेस समावेश गरिएको छ भने कक्षा ६ र ७ का लागि लङजम्प र रिले दौडका स्पर्धाहरू हुने विद्यालयले जनाएको छ।

माथिल्लो कक्षा ८ र ९ का विद्यार्थीहरूका लागि भने लङजम्प, ज्याभ्लिन थ्रो, सटपुट, भलिबल र ट्रिपलजम्प जस्ता थप चुनौतीपूर्ण खेलहरू तय गरिएका छन्। आगामी माघ ७ गतेसम्म सञ्चालन हुने यस स्पोर्ट्स मीटका विजेता खेलाडीहरूलाई विद्यालयको वार्षिकोत्सवका अवसरमा विशेष पुरस्कार प्रदान गरिनेछ।

तपाइको प्रतिक्रिया
शीर्ष नेताको सम्बोधन, रित्तो दर्शक दीर्घा: मोरङमा कांग्रेस इतर पक्षको अधिवेशन
बहिरा फुटबल टोली दक्षिण कोरिया जाने
मत्स्यपोखरीमा चार दिन पर्यटन, संस्कृति र साहित्यको उत्सव
राप्रपामा अध्यक्षका लागि आधा दर्जन नेताको दौडधुप, लिङ्देनलाई चुनौती
लुम्बिनीले टस जितेर बलिङ रोज्दा सुदूरपश्चिम पहिले ब्याटिङ गर्दै
विराटनगरमा कर दिवस मनाइयो, करदातामैत्री प्रणालीमा जोड
प्रहरीको नाममा भ्रामक सूचना फैलाउने दुई जना नियन्त्रणमा पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
नोबेल मेडिकल कलेज छैटौँ पटक उत्कृष्ट करदाता सम्मानबाट सम्मानित
रुसी खगोल विज्ञान ओलम्पियाडमा एभरेस्टकी स्नेहालाई कांस्य
© 2024 Muluki Khabar. All Rights Reserved. Design & Develop By: Indesign Media Pvt. Ltd.