टी–२० विश्वकप खेल्न जाने नेपाली टोलीको बिदाइ, आइतबार प्रस्थान गर्ने

Share this
747shares
मुलुकी खबर
मुलुकी खबर
clock२०८२ माघ ३, शनिबार ११:२३

काठमाडौँ । आगामी फेब्रुअरी–मार्चमा भारत र श्रीलंकामा आयोजना हुने आईसीसी टी–२० विश्वकप क्रिकेटका लागि नेपाली टोलीको बिदाइ गरिएको छ। नेपाल क्रिकेट संघ (क्यान) ले शनिबार एक औपचारिक कार्यक्रमको आयोजना गरी रोहित पौडेलको कप्तानीमा रहेको टोलीलाई शुभकामनासहित बिदाइ गरेको हो।

नेपाली टोली आइतबार नै प्रस्थान गर्ने तालिका रहेको छ। विश्वकपको मुख्य प्रतियोगिता सुरु हुनुअघि नेपालले श्रीलंका र भारतमा विशेष अभ्यास शृङ्खला खेल्ने कार्यक्रम तय भएको छ। बिदाइ कार्यक्रममा बोल्दै क्यानका सचिव पारस खड्काले नेपाली टोलीले पछिल्लो समय राम्रो गरिरहेको बताउँदै विश्वकपमा सफलताको शुभकामना दिए। उनले भने, ‘हामीले राम्रो गरिरहेका छौँ, भारतमा समर्थकहरूको पनि ठूलो साथ रहने आशा छ।’

कप्तान रोहित पौडेलले तयारी निकै राम्रो भएको र अभ्यासले खेलाडीहरूको आत्मविश्वास बढाएको बताए। ‘सन् २०२५ हाम्रो लागि निकै राम्रो रह्यो, आशा छ यो वर्ष पनि हामीले समग्र नेपालीलाई गर्व महसुस गराउने छौँ,’ उनले भने। यस्तै, मुख्य प्रशिक्षक स्टुअर्ट लले अभ्यास शृङ्खलामार्फत योजनालाई अन्तिम रूप दिने र विश्वकपमा उत्कृष्ट प्रदर्शन गर्ने विश्वास व्यक्त गरे।

नेपालले विश्वकपको समूह चरणमा कठिन प्रतिद्वन्द्वीहरूको सामना गर्नेछ। नेपाल रहेको समूहमा इंग्ल्यान्ड, वेस्ट इन्डिज, बंगलादेश र इटली रहेका छन्। मुख्य प्रतियोगिताअघि नेपालले तयारीका लागि श्रीलंकामा श्रीलंका ‘ए’ सँग र भारतमा मुम्बईको एमसीए प्रेसिडेन्ट ११ सँग अभ्यास खेल खेल्नेछ। क्यानका अध्यक्ष चतुरबहादुर चन्दले भारतको कन्डिसन नेपालसँग मिल्दोजुल्दो भएकाले नेपाली टोलीले त्यहाँ राम्रो प्रदर्शन गर्नेमा आफू विश्वस्त रहेको बताए।

तपाइको प्रतिक्रिया
शीर्ष नेताको सम्बोधन, रित्तो दर्शक दीर्घा: मोरङमा कांग्रेस इतर पक्षको अधिवेशन
बहिरा फुटबल टोली दक्षिण कोरिया जाने
मत्स्यपोखरीमा चार दिन पर्यटन, संस्कृति र साहित्यको उत्सव
राप्रपामा अध्यक्षका लागि आधा दर्जन नेताको दौडधुप, लिङ्देनलाई चुनौती
लुम्बिनीले टस जितेर बलिङ रोज्दा सुदूरपश्चिम पहिले ब्याटिङ गर्दै
विराटनगरमा कर दिवस मनाइयो, करदातामैत्री प्रणालीमा जोड
प्रहरीको नाममा भ्रामक सूचना फैलाउने दुई जना नियन्त्रणमा पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
नोबेल मेडिकल कलेज छैटौँ पटक उत्कृष्ट करदाता सम्मानबाट सम्मानित
रुसी खगोल विज्ञान ओलम्पियाडमा एभरेस्टकी स्नेहालाई कांस्य
© 2024 Muluki Khabar. All Rights Reserved. Design & Develop By: Indesign Media Pvt. Ltd.