विराटनगर क्रिकेट लिग: सिद्धार्थ र विराट विजयी 

Share this
704shares
मुलुकी खबर
मुलुकी खबर
clock२०८२ माघ ४, आइतबार २०:३९
विराटनगर क्रिकेट लिग: सिद्धार्थ र विराट विजयी 

विराटनगर । विराटनगरमा जारी ‘प्रथम विराटनगर क्रिकेट लिग’ मा सिद्धार्थ स्पोर्टिङ  क्लब र विराट क्रिकेट एकेडेमीले विजयी सुरुवात गरेका छन् ।

नेपाल क्रिकेट फाउन्डेसनले आयोजना गरेको प्रतियोगिताअन्तर्गत आइतबारको पहिलो खेलमा सिद्धार्थले डाइनामिक क्रिकेट एकेडेमीलाई ७३ रनले हराउँदै २ अंक बटुलेको छ । समूह ‘बी’ मा रहेको सिद्धार्थले पहिलो खेल जित्दै २ अंकका साथ शीर्ष स्थान बनायो भने कटहरी २ खेलमध्ये १ मा जित र १ मा पराजित हुँदै २ अंकका साथ दोस्रो, डाइनामिक २ खेलमध्ये १ मा जित र १ मा पराजित हुँदै २ अंकका साथ तेस्रो र लायन क्रिकेट एकेडेमी १ खेलमा पराजित हुँदै अन्तिममा रहेको छ ।

डाइनामिकले टस जितेर सिद्धार्थलाई पहिलो ब्याटिङका लागि निम्तो दिएको थियो । पहिलो ब्याटिङको मौका पाउको सिद्धार्थले निर्धारित १८ ओभरमा ८ विकेट गुमाउँदै १ सय ३७ रनको चुनौती प्रस्तुत गर्‍यो । अटल साहले ४४ रन, फिर्दोस अन्सारीले ४० रन र  रविन मण्डलले २९ रनको योगदान दिए । डाइनामिकका एसएस झाले ३ र विवेक झाले २ विकेट लिए ।

१ सय ३८ रनको लक्ष्य पछ्याएको डाइनामिकले १५ ओभरमा सबै विकेटको क्षतिमा ६४ रनमै समेटियो । सुभाष रायले मात्रै ११ रन बनाए भने अन्यले दोहोरा अंकलाई छुन सकेनन् । सिद्धार्थका फिर्दोस अन्सारीले ३ विकेट, दुर्गेश मल्लिकले २ विकेट तथा दीपेश कँडेल र निरज मुखियाले १–१ विकेट लिए ।  खेलको प्लेयर अफ द म्याच सिद्धार्थका फिर्दोस अन्सारी भए ।

त्यस्तै, दोस्रो खेल समूह ‘ए’ अन्तर्गत विराट क्रिकेट एकेडेमीले इलाइट क्रिकेट क्लबलाई ५१ रनले हराउँदै २ अंक जोडेको छ ।

टस जितेर ब्याटिङ थालेको विराटले निर्धारित २० ओभरमा ८ विकेटको क्षतिमा १ सय ४१ रन बनायो । जसमा विशाल ढकालले ६० रन, दीपक पासवानले १९ रन र लव कामतले १५ रन बनाए । इलाइटका सोनु सिंह, हरेराम सिंह र राजु विश्वकर्माले समान २–२ विकेट लिए ।

१ सय ४२ रनको लक्ष्य पछ्याएको इलाइटले १८ ओभर २ बलमा सबै विकेट गुमाउँदै ९० रनमै सीमित भयो । चतुरानन्द मेहताले १८ रन र सागर मल्लिकले पनि १८ रन बनाए । विराटका महबुब इराकी र श्रवण यादवले समान ३–३ विकेट तथा दीपक पासवानले २ विकेट लिए । खेलको प्लेयर अफ द म्याच विराट विशाल ढकाल भए ।

प्रतियोगिताको सोमबारको पहिलो खेल सिद्धार्थ स्पोर्टिङ क्लब र कटहरी क्रिकेट एकेडेमी तथा दोस्रो खेल विराट क्रिकेट एकेडेमी र विराटनगर क्रिकेट क्लब एन्ड एकेडेमीबीच हुने आयोजकले जनाएको छ ।

तपाइको प्रतिक्रिया
शीर्ष नेताको सम्बोधन, रित्तो दर्शक दीर्घा: मोरङमा कांग्रेस इतर पक्षको अधिवेशन
बहिरा फुटबल टोली दक्षिण कोरिया जाने
मत्स्यपोखरीमा चार दिन पर्यटन, संस्कृति र साहित्यको उत्सव
राप्रपामा अध्यक्षका लागि आधा दर्जन नेताको दौडधुप, लिङ्देनलाई चुनौती
लुम्बिनीले टस जितेर बलिङ रोज्दा सुदूरपश्चिम पहिले ब्याटिङ गर्दै
विराटनगरमा कर दिवस मनाइयो, करदातामैत्री प्रणालीमा जोड
प्रहरीको नाममा भ्रामक सूचना फैलाउने दुई जना नियन्त्रणमा पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
नोबेल मेडिकल कलेज छैटौँ पटक उत्कृष्ट करदाता सम्मानबाट सम्मानित
रुसी खगोल विज्ञान ओलम्पियाडमा एभरेस्टकी स्नेहालाई कांस्य
© 2024 Muluki Khabar. All Rights Reserved. Design & Develop By: Indesign Media Pvt. Ltd.