
विराटनगर । सुजुकी गाडीको आधिकारिक बिक्रेता सुजुकी अटो प्यालेस विराटनगरले नयाँ एसयुभी भिक्टोरिस सार्वजनिक गरेको छ ।
अहिलेसम्मकै सबैभन्दा धेरै सुविधा समेटिएको नयाँ एसयुभी ‘भिक्टोरिस’ गाडीको १०५ वर्षीया रोमनकुमारी भट्टराईले एक कार्यक्रमका बीच सार्वजनिक गरिन् । भविष्यमुखी डिजाइन, विलासी आराम र इन्टेलिजेन्ट प्रविधिको उत्तम समिश्रणका रूपमा यो एसयुभीलाई बजारमा उतारिएको सुजुकी अटो प्यालेसका प्रबन्ध निर्देशक राजेश भट्टराईले जानकारी दिए ।
उनका अनुसार ‘भिक्टोरिस’ हाइब्रिड गाडी ग्राहकको आराम, सुरक्षा र सुखद ड्राइभिङ अनुभवलाई मध्यनजर गर्दै यसमा आधुनिक समयका सबै आवश्यक सुविधाहरू समावेश गरिएको बताए । यो स्ट्रोङ हाइब्रिड श्रेणीका गाडीहरू पेट्रोल र विद्युत दुवै प्रकारले चल्छन् ।

पेट्रोल इन्जिन चलेका बेला यसमा भएका ब्याट्रीहरू आफै चार्ज हुने किसिमले डिजाइन गरिएको छ । जसका कारण प्रति लिटर २८ किलोमिटरको माइलेज दिने भट्टराईले बताए ।
यसमा आपत्कालीन स्वचालित ब्रेक प्रणाली, लेन परिवर्तन चेतावनी, अनुकूल क्रुज नियन्त्रण, अगाडि ठोक्किनबाट जोगाउने प्रविधि तथा चालकको सतर्कता निगरानी प्रणाली जस्ता अत्याधुनिक सुरक्षा सुविधा समावेश छन् ।
गाडीको लन्चिङ अफर मूल्य ५० लाख ९९ हजार रुपैयाँ कायम गरेको छ । पहिलो ५० वटा गाडी खरिदमा ३ लाख छुट गरिएको भट्टराईले बताए ।

























