निजी क्षेत्रको मनोबल खस्कियो, लगानी गर्न डराउनुपर्ने अवस्था: उद्योगी

Share this
678shares
मुलुकी खबर
मुलुकी खबर
clock२०८२ माघ १०, शनिबार १७:०६

विराटनगर । निजी क्षेत्रले भोग्दै आएको पीडा र चुनौतीका विषयमा आत्मसमीक्षा गरी साझा भविष्यप्रति प्रतिबद्धता जनाउने उद्देश्यले विराटनगरमा ‘निजी क्षेत्र: प्रश्न, पहिचान र प्रतिबद्धता’ विषयक वृहत् अन्तरक्रिया कार्यक्रम सम्पन्न भएको छ। उद्योग संगठन मोरङ र राष्ट्रिय व्यावसायिक पहलको आयोजना तथा नेपाल उद्योग वाणिज्य महासंघ कोशी प्रदेशको समन्वयमा कार्यक्रम आयोजना गरिएको हो।

कार्यक्रममा उद्योग संगठन मोरङका अध्यक्ष नन्दकिशोर राठीले राजनीतिक आन्दोलनहरूमा निजी क्षेत्रका उद्योग, पसल र गोदामहरू नियोजित रूपमा तोडफोड र आगजनीको शिकार हुने गरेको बताए। उनले सामाजिक सञ्जालमार्फत निजी क्षेत्र विरुद्ध फैलाइने भ्रामक सूचनाका कारण ‘लगानी गर्नु पाप र नाफा कमाउनु अपराध हो’ भन्ने गलत भाष्य निर्माण भइरहेकोमा चिन्ता व्यक्त गरे। अध्यक्ष राठीले नीतिगत अस्थिरता, भ्रष्टाचार र ढिलासुस्तीका कारण उद्योगीहरू बाध्य भएर राजनीतिक शक्ति केन्द्रको शरणमा जानुपर्ने अवस्था आउनु लोकतान्त्रिक राज्य व्यवस्थाका लागि समेत घातक भएको स्पष्ट पारे।

राष्ट्रिय व्यावसायिक पहलका अध्यक्ष कुशकुमार जोशीले निजी क्षेत्र गहिरो पीडा र अनिश्चितताको भुमरीमा फसेको उल्लेख गर्दै आर्थिक विकासको मेरुदण्डलाई राज्यले हेर्ने दृष्टिकोण अझै सकारात्मक हुन नसकेको गुनासो गरे। यस्तै, राष्ट्रिय व्यावसायिक पहलका केन्द्रीय संयोजक किशोर प्रधानले निजी क्षेत्रलाई केवल नाफामुखी समूहका रूपमा मात्र नहेरी लाखौँलाई रोजगारी दिने र राज्यलाई राजस्व बुझाउने प्रमुख आधारका रूपमा बुझ्न आग्रह गरे। उनले निजी क्षेत्रप्रतिको भ्रम चिर्न सातै प्रदेशमा यस्ता कार्यक्रम सञ्चालन गरिने जानकारी दिए।

प्यानल छलफलमा नेपाल राष्ट्र बैंकका पूर्व गभर्नर डा. चिरञ्जीवी नेपालले निजी क्षेत्रको खस्किएको मनोबल उकास्नु सरकारको साझा जिम्मेवारी भएको बताउँदै आर्थिक नीतिमा स्थिरता खोजे। इन्सेकका पूर्व अध्यक्ष सुबोधराज प्याकुरेलले कर्मचारीतन्त्रले निजी क्षेत्रलाई त्रस्त बनाउने नीति त्याग्नुपर्ने धारणा राखे।

त्यस्तै, नेपाल उद्योग वाणिज्य महासंघकी पूर्व अध्यक्ष भवानी राणा र उद्योग संगठन मोरङका निवर्तमान अध्यक्ष राकेश सुरानाले राज्य सञ्चालन पद्धतिमा आधारित हुनुपर्ने र निजी क्षेत्रलाई सुरक्षित वातावरणको ग्यारेन्टी गरिनुपर्नेमा जोड दिए। मिडिया एलायन्सका अध्यक्ष भाष्करराज राजकर्णिकार र युवा उद्यमी सिद्धि अधिकारीले दीर्घकालीन औद्योगिक नीति र पारदर्शी कानुन कार्यान्वयन भए मात्र देशमा लगानीमैत्री वातावरण बन्ने विश्वास व्यक्त गरे।

तपाइको प्रतिक्रिया
शीर्ष नेताको सम्बोधन, रित्तो दर्शक दीर्घा: मोरङमा कांग्रेस इतर पक्षको अधिवेशन
बहिरा फुटबल टोली दक्षिण कोरिया जाने
मत्स्यपोखरीमा चार दिन पर्यटन, संस्कृति र साहित्यको उत्सव
राप्रपामा अध्यक्षका लागि आधा दर्जन नेताको दौडधुप, लिङ्देनलाई चुनौती
लुम्बिनीले टस जितेर बलिङ रोज्दा सुदूरपश्चिम पहिले ब्याटिङ गर्दै
विराटनगरमा कर दिवस मनाइयो, करदातामैत्री प्रणालीमा जोड
प्रहरीको नाममा भ्रामक सूचना फैलाउने दुई जना नियन्त्रणमा पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
नोबेल मेडिकल कलेज छैटौँ पटक उत्कृष्ट करदाता सम्मानबाट सम्मानित
रुसी खगोल विज्ञान ओलम्पियाडमा एभरेस्टकी स्नेहालाई कांस्य
© 2024 Muluki Khabar. All Rights Reserved. Design & Develop By: Indesign Media Pvt. Ltd.