
काठमाडौं । ९ औँ अन्तर्राष्ट्रिय कराँते प्रतियोगितामा सहभागी हुन ६ खेलाडीसहित ८ सदस्यीय नेपाली वादोरियो कराँते टोली बिहीबार भारतको बिशाखापटनम प्रस्थान गर्ने भएका छन् ।
जनवरी ३० देखि फेब्रुअरी १ तारिखसम्म हुने प्रतियोगिताको पुरुष ६५ केजीमा राजु बुढाथोकी, ५५ केजीमा बिसन थापा मगर, ४५ केजीमा रिजन बुढा मगर र ३० केजीमा शिशिर थापाले प्रतिस्पर्धा गर्ने छन् ।
महिला ६० केजीमा दिया पहरी तथा ४५ केजीमा स्वेता तारा गुरुङ सहभागी हुने छन् । अफिसियलमा नेपाल वादोरियो कराँते डो संघका अध्यक्ष एवं प्रमुख प्रशिक्षक हरिशरण केसी र निर्णायकमा सागर काफ्ले छन् ।
टोलीलाई सफलताको शुभकामना दिँदै राष्ट्रिय खेलकुद परिषद्का सदस्यसचिव रामचरित्र मेहताले बुधबार एक कार्यक्रमबीच बिदाइ गरे ।

























