
काठमाडौँ । साताको पहिलो दिन आइतबार नेपाली बजारमा सुनको मूल्यमा उल्लेख्य गिरावट आएको छ। नेपाल सुनचाँदी व्यवसायी महासंघका अनुसार आज सुनको मूल्य प्रतितोला २ हजार १०० रुपैयाँले घटेको हो।
गत शुक्रबार प्रतितोला २ लाख ६२ हजार ५०० रुपैयाँमा कारोबार भएको सुनको मूल्य आज २ लाख ६० हजार ४०० रुपैयाँ कायम गरिएको छ।
सुनसँगै चाँदीको मूल्य पनि घटेको छ। चाँदी प्रतितोला २५ रुपैयाँले घटेर ४ हजार ५०० रुपैयाँमा झरेको छ। अन्तर्राष्ट्रिय बजारमा मूल्य घटेका कारण त्यसको प्रत्यक्ष प्रभाव नेपाली बजारमा परेको महासंघले जनाएको छ।

























