सभाखोला ‘बी’को सुरुङ छिचोलियो, २१.५ मेगावाट उत्पादन हुने

Share this
746shares
मुलुकी खबर
मुलुकी खबर
clock२०८२ माघ २१, बुधबार ०६:०९

संखुवासभा । संखुवासभाको सभापोखरी गाउँपालिकामा निर्माणाधीन सभाखोला ‘बी’ जलविद्युत् आयोजनाको मुख्य सुरुङ छिचोलिएको छ ।

सफलतापूर्वक सुरुङ ‘ब्रेक थ्रु’ गरिएको उक्त आयोजनाबाट २१.५ मेगावाट विद्युत उत्पादन हुने छ । निजी क्षेत्रको लगानीमा अघि बढाइएको यस आयोजनाको सुरुङ निर्माण कार्यले महत्वपूर्ण चरण पार गरेको हो ।

सभाखोलाको पानी प्रयोग गरी विद्युत् उत्पादन गर्ने उद्देश्यसहित निर्माणाधीन आयोजनाको मुख्य सुरुङ मंगलबार औपचारिक कार्यक्रमका बीच ‘ब्रेक थ्रु’ गरिएको हो । अर्विट इनर्जी लिमिटेडका प्रबन्ध सञ्चालक गणेश कार्कीले सुरुङ आयोजनाको प्रगति स्थानीय र राष्ट्रिय ऊर्जा सुरक्षाका लागि महत्वपूर्ण रहेको बताए ।

सभापोखरी गाउँपालिका–३ मा इन्टेक एरिया रहेको सभाखोला ‘बी’ जलविद्युत् आयोजनाको मुख्य सुरुङको लम्बाइ ४ हजार १ सय १० मिटर रहेको छ । इन्टेक (मुहान) क्षेत्रबाट सुरु भई पेनस्टक पाइप जडान हुने स्थानसम्मको सम्पूर्ण सुरुङ छिचोलिएसँगै अब आयोजनाको अर्को चरणको काम अघि बढ्ने भएको छ । आयोजना सभापोखरी गाउँपालिका–३, ४ र ५ वडामा फैलिएको छ ।

सुरुङ ‘ब्रेक थ्रु’ भएपछि अब बाँकी कंक्रिट लाइनिङको काम गरिने आयोजनाले जनाएको छ । मुख्य सुरुङबाट आएको पानीलाई करिब १ हजार ४५ मिटर लामो पेनस्टक पाइपमार्फत विद्युत् गृहमा खसालेर विद्युत् उत्पादन गरिने छ ।

आयोजनाका इन्चार्ज कृष्णप्रसाद पन्तका अनुसार हालसम्म आयोजनाको समग्र भौतिक प्रगति करिब ७५ प्रतिशत सम्पन्न भइसकेको छ । आयोजनाबाट उत्पादन हुने विद्युत् खाँदबारी नगरपालिका–१० स्थित सित्तलपाटीमा निर्माणाधीन नेपाल विद्युत् प्राधिकरणको सब–स्टेशनमा जोडिने व्यवस्था मिलाइएको छ ।

२०७९ कात्तिक २३ गतेदेखि निर्माण सुरु गरिएको यस आयोजनालाई २०८३ बैशाख २३ गतेभित्र सम्पन्न गर्ने लक्ष्य लिइएको छ । प्रसारण लाइनतर्फको काम पनि तीव्र गतिमा अघि बढिरहेको र हालसम्म करिब ६० प्रतिशत काम सम्पन्न भइसकेको आयोजनाले जनाएको छ ।

आयोजना प्रभावित क्षेत्रहरूमा सामुदायिक विकास कार्यक्रमअन्तर्गत स्थानीयलाई रोजगारी, शिक्षा र स्वास्थ्य सहयोग, खानेपानी, सडक निर्माण तथा बेलिब्रिज पुल निर्माणजस्ता कामहरू समेत गरिँदै आएको छ । यसले स्थानीय विकास र आर्थिक गतिविधिमा समेत सकारात्मक प्रभाव पार्ने अपेक्षा गरिएको छ ।

सभाखोला ‘बी’ जलविद्युत् आयोजनाले आगामी २०८३ वैशाखदेखि नियमित रूपमा विद्युत् उत्पादन सुरु गर्ने लक्ष्य लिएको छ । आयोजनाको मुख्य निर्माण कम्पनी बैभव पावर नेपाल प्रा.लि रहेको छ । आयोजनाको कुल लागत करिब ५ अर्ब रुपैयाँ अनुमान गरिएको छ ।

तपाइको प्रतिक्रिया
शीर्ष नेताको सम्बोधन, रित्तो दर्शक दीर्घा: मोरङमा कांग्रेस इतर पक्षको अधिवेशन
बहिरा फुटबल टोली दक्षिण कोरिया जाने
मत्स्यपोखरीमा चार दिन पर्यटन, संस्कृति र साहित्यको उत्सव
राप्रपामा अध्यक्षका लागि आधा दर्जन नेताको दौडधुप, लिङ्देनलाई चुनौती
लुम्बिनीले टस जितेर बलिङ रोज्दा सुदूरपश्चिम पहिले ब्याटिङ गर्दै
विराटनगरमा कर दिवस मनाइयो, करदातामैत्री प्रणालीमा जोड
प्रहरीको नाममा भ्रामक सूचना फैलाउने दुई जना नियन्त्रणमा पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
नोबेल मेडिकल कलेज छैटौँ पटक उत्कृष्ट करदाता सम्मानबाट सम्मानित
रुसी खगोल विज्ञान ओलम्पियाडमा एभरेस्टकी स्नेहालाई कांस्य
© 2024 Muluki Khabar. All Rights Reserved. Design & Develop By: Indesign Media Pvt. Ltd.