
काठमाडौँ। नेपाली बजारमा बुधबार सुनको मूल्यमा पुनः वृद्धि भएको छ। नेपाल सुनचाँदी व्यवसायी महासंघका अनुसार मंगलबारको तुलनामा सुनको मूल्य तोलामा ११ सय रुपैयाँले बढेको हो।
मंगलबार प्रतितोला ३ लाख ५ हजार ४ सय रुपैयाँमा कारोबार भएको छापावाल सुनको मूल्य आज ३ लाख ६ हजार ५ सय रुपैयाँ कायम भएको छ। त्यस्तै, १० ग्राम छापावाल सुनको मूल्य २ लाख ६२ हजार ८ सय ६० रुपैयाँ तोकिएको छ।
सुनसँगै आज चाँदीको मूल्यमा पनि वृद्धि भएको छ। चाँदी तोलामा ५० रुपैयाँले बढेर प्रतितोला ५ हजार २ सय ९० रुपैयाँ पुगेको छ। १० ग्राम चाँदीको मूल्य भने ४ हजार ५ सय ३६ रुपैयाँ कायम गरिएको छ।

























