
विराटनगर। नेपाली बजारमा आज सोमबार सुन र चाँदी दुवैको मूल्यमा उल्लेख्य गिरावट आएको छ। आइतबारको तुलनामा सुनको मूल्य प्रतितोला ३ हजार रुपैयाँले घटेको छ।
आइतबार प्रतितोला ३ लाख ५ हजार ८ सय रुपैयाँमा कारोबार भएको छापावाल सुनको मूल्य आज ३ लाख २ हजार ८ सय रुपैयाँ कायम भएको छ। त्यस्तै, १० ग्राम छापावाल सुनको मूल्य २ लाख ५९ हजार ६ सय रुपैयाँ तोकिएको छ।
सुनसँगै चाँदीको मूल्य पनि ओरालो लागेको छ। आज चाँदी तोलामा १ सय २५ रुपैयाँले घटेर प्रतितोला ४ हजार ८ सय ६० रुपैयाँमा कारोबार भइरहेको छ। आज १० ग्राम चाँदीको मूल्य ४ हजार १ सय ६७ रुपैयाँ कायम गरिएको छ।

























