
काठमाडौं। साताको कारोबारको पहिलो दिन आइतबार नेपाली बजारमा सुनको मूल्यमा ठूलो वृद्धि देखिएको छ। नेपाल सुनचाँदी व्यवसायी महासंघका अनुसार अघिल्लो कारोबार दिनको तुलनामा सुनको मूल्य उल्लेख्य रूपमा बढेको हो।
आज छापावाल सुन प्रतितोला ३ लाख १० हजार ३०० रुपैयाँमा कारोबार भइरहेको छ। यसअघि शुक्रबार प्रतितोला ३ लाख ४ हजार ७०० रुपैयाँमा कारोबार भएको सुन दुई दिनको अन्तरालमा ५ हजार ६०० रुपैयाँले महँगिएको हो। त्यस्तै, प्रतिदश ग्राम सुनको मूल्य २ लाख ६६ हजार ३० रुपैयाँ कायम भएको महासंघले जनाएको छ।
सुनसँगै आज चाँदीको मूल्यमा पनि वृद्धि भएको छ। महासंघका अनुसार चाँदी प्रतितोला ५ हजार ४२५ रुपैयाँमा कारोबार भइरहेको छ, जबकि शुक्रबार यसको मूल्य ५ हजार ५० रुपैयाँ थियो। प्रतिदश ग्राम चाँदीको मूल्य ४ हजार ६५१ रुपैयाँ तोकिएको छ।
अन्तर्राष्ट्रिय बजारमा सुनको मूल्यमा आएको उतारचढावको सीधा प्रभाव नेपाली बजारमा परेको व्यवसायीहरूले बताएका छन्। लगानीकर्ताहरूका लागि यो वृद्धिले नयाँ तरंग ल्याएको छ।

























