रतुवामाईमा राष्ट्रपति रनिङ शिल्ड सुरु 

Share this
751shares
मुलुकी खबर
मुलुकी खबर
clock२०८२ फागुन ११, सोमबार ०९:१८
रतुवामाईमा राष्ट्रपति रनिङ शिल्ड सुरु 

विराटनगर । मोरङको रतुवामाई नगरपालिकाको सौँठा माध्यमिक विद्यालयमा पालिका स्तरीय १७ औँ राष्ट्रपति रनिङ शिल्ड प्रतियोगिता सुरु भएको छ ।

राष्ट्रपति रनिङ शिल्ड प्रतियोगिताको उद्‌घाटन गर्दै रतुवामाई नगरपालिकाका मेयर नागेश्वरप्रसाद सिंहले बालबालिकाको खेलप्रतिको लगाव र चौतर्फी विकासका लागि यो प्रतियोगिता एउटा अवसर भएकाले सोही अनुसार नगरपालिकाले आगामी दिनमा प्रतियोगितालाई अझ व्यवस्थित बनाउने बताए ।

उनले प्रतियोगिता केवल विद्यालयमा सम्पन्न गरिने एउटा वार्षिक गतिविधि मात्र नभई उत्सवका रूपमा मनाउने गरी तयारी गर्न शिक्षक र कर्मचारीलाई आग्रह गरे ।

त्यस्तै, सोही अवसरमा उपमेयर दमयन्ता चुडालले बालबालिकाले घरपछि सबैभन्दा बढी समय विद्यालयमा बिताउने भएकाले र उनीहरूलाई लागुऔषधको कुलतबाट बचाउन विद्यालयले विशेष निगरानी गर्नुपर्ने बताइन् । उनले पछिल्लो दिनमा विद्यालय समयमा लागु औषध सेवन गर्ने बालबालिकाको संख्या बढ्दै गएकाले त्यसतर्फ समेत शिक्षकसहित अभिभावक सचेत हुनुपर्ने जोड दिइन् ।

प्रतियोगिताअन्तर्गत लङजम्प छात्रतर्फ सरस्वती माविका अरुण कुमाल प्रथम, सरस्वती माविका सुदीपकुमार सदा द्वितीय र मुनाल आदर्श बोर्डिङ स्कुलका सेमन तामाङ तृतीय भए । छात्रातर्फ सिजुवा माविकी एलिमा राजवंशी प्रथम, सरस्वती माविकी अमृताकुमारी माझी द्वितीय र राइजिङ बोर्डिङ स्कुलकी दामिनी सहनी तृतीय भए ।

त्यसैगरी, छात्रतर्फ ८ सय मिटर दौडमा मुनाल आदर्श बोर्डिङ स्कुलका करण सिंह प्रथम, सुनवर्षी माविका दीपक राजवंशी द्वितीय र सरस्वती माविका विवेक परियार तृतीय भए । छात्रातर्फ सरस्वती माविकी आरती मगर प्रथम, सुनवर्षी माविकी मनिका पासवान द्वितीय र मुनाल आदर्श बोर्डिङकी अञ्जली साह तृतीय भए ।

यस्तै, सटपुट छात्रातर्फ जनता माविकी निशा राउत प्रथम, मुनाल आदर्श बोर्डिङकी अमिशा ताजपुरिया द्वितीय र सुनवर्षी माविकी उर्मिला तामाङ तृतीय भए । छात्रतर्फ महेन्द्र माविका रविन तामाङ प्रथम, सरस्वती माविका रोशन नेपाली द्वितीय र दाम्राभिट्टा एकेडेमीका कृष्ण साह तृतीय भए ।

१२ गतेसम्म हुने प्रतियोगितामा रतुवामाई नगरपालिकाभित्रका निजी तथा सामुदायिक विद्यालयका विद्यार्थीहरूको सहभागिता रहेको छ ।

तपाइको प्रतिक्रिया
मत्स्यपोखरीमा चार दिन पर्यटन, संस्कृति र साहित्यको उत्सव
राप्रपामा अध्यक्षका लागि आधा दर्जन नेताको दौडधुप, लिङ्देनलाई चुनौती
लुम्बिनीले टस जितेर बलिङ रोज्दा सुदूरपश्चिम पहिले ब्याटिङ गर्दै
विराटनगरमा कर दिवस मनाइयो, करदातामैत्री प्रणालीमा जोड
प्रहरीको नाममा भ्रामक सूचना फैलाउने दुई जना नियन्त्रणमा पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
नोबेल मेडिकल कलेज छैटौँ पटक उत्कृष्ट करदाता सम्मानबाट सम्मानित
रुसी खगोल विज्ञान ओलम्पियाडमा एभरेस्टकी स्नेहालाई कांस्य
सुनसरीलाई सीसीटीभी निगरानीमा राख्ने योजना, २५० वटा जडान गरिँदै
दानबहादुर कार्कीको रिटमा बुधबार सर्वोच्चमा सुनुवाइ हुँदै
© 2024 Muluki Khabar. All Rights Reserved. Design & Develop By: Indesign Media Pvt. Ltd.