
काठमाडौं । काठमाडौंमा जारी सहिद स्मारक एन्फा राष्ट्रिय महिला लिग फुटबल प्रतियोगिताको उद्घाटन खेलमा संकटा एफसीले विजयी सुरुवात गरेको छ।
बुधबार भएको उद्घाटन खेलमा संकटाले न्यू रोड टिम (एनआरटी)लाई ४–० को फराकिलो गोलअन्तरमा पराजित गर्दै विजयी सुरुवात गरेको हो ।
खेलको ५ औँ मिनेटमा संकटाका लागि विन थिङ्गी टुनले पहिलो गोल गरिन् । २३ औँ मिनेटमा शुक्रिया मियाले गोल गर्दै गोल संख्या दोब्बर बनाइन् । दोस्रो गोल गरेको दुई मिनेटपछि नै लुसिया जोसेले संकटाका लागि गोल थप्दै गोल संख्या ३–० बनाइन् ।
संकटाले दोस्रो हाफको ५२ औँ मिनेटमा क्विनेबल अमानक्राहले गोल गरिन् । आजै हुने दोस्रो खेलमा विभागीय टोली त्रिभुवन आर्मी क्लब र झापा एफसीबीच हुनेछ । लिग वैशाख १२ गते हुनेछ ।

























