विराट गोल्डकप : घरेलु मैदानमा भारतसँग भिड्दै सम्राट

Share this
691shares
मुलुकी खबर
मुलुकी खबर
clock२०८३ बैशाख १, मंगलबार ०६:५४

विराटनगर । विराटनगरमा जारी ३८ औँ संस्करणको विराट गोल्डकप फुटबल प्रतियोगिताअन्तर्गत आज (मंगलबार) सम्राट स्पोर्टिङ क्लब विराटनगर र भारत झारखण्डको बिरसा मुन्डा स्पोर्टस एकेडेमीबीच प्रतिस्पर्धा हुँदैछ ।

२०५४ सालमा स्थापित सम्राट स्पोर्टिङ क्लब विराट गोल्डकपमा पहिलोपटक सहभागी भएको हो । गोल्डकपको पहिलो खेलमै उसले घरेलु मैदानमा विदेशी पाउनु टोली बिरसा मुन्डाको सामना गर्नेछ ।

घरेलु र पाहुना टोलीबीचको खेल सहिद रंगशालामा साँझ ६ बजेबाट सुरु हुने आयोजक विराट गोल्डकप ट्रस्टका प्रवक्ता धनकुमार लामाले जानकारी दिए । आयोजक ट्रष्टले जिल्ला लिग विजेताका रुपमा सम्राट क्लबलाई सहभागिता जनाउनका लागि सहमति दिएपछि पहिलोपटक जिल्लाको स्थानीय क्लबले गोल्डकपमा सहभागिता जनाएको छ ।

सम्राट स्पोर्टिङ पछिल्लो आठपटकको जिल्ला लिग विजेता टोली हो । कोमल खवासको कप्तानीमा रहेको टोलीले विराट गोल्डकपमा स्तरीय प्रदर्शन गर्ने अपेक्षा गरिएको छ ।

भारतको बिरसा मुन्डा गोल्डकपको पहिलो संस्करण महेन्द्र गोल्डकपका रुपमा २०१८ सालमा भएको थियो । सो संस्करणमा भारतको इलेभेन ज्वेल्सले उपाधि चुमेको थियो ।

त्यसयता गोल्डकपमा भारतीय टोलीहरुको पटकपटक सहभागिता रहँदै आएको छ । सोही क्रमको निरन्तरतामा यसपटक बिरसा मुन्डाले सहभागिता जनाउँदै छ । सो एकेडेमी सन् २००९ मा स्थापना भएको हो ।

घरेलु र पाहुना टोलीबीचको खेल निक्कै रोमाञ्चक एवं प्रतिस्पर्धात्मक हुने अपेक्षा गरिएको छ । सोमबारको खेलबाट मछिन्द्र फुटबल क्लबलाई सथन डेथमा हराउँदै विभागीय टोली नेपाल पुलिस क्लब प्रतियोगिताको सेमिफाइनलमा प्रवेश गरेको छ ।

विराट गोल्डकपको सेमिफाइनलमा नेपाल पुलिस 

तपाइको प्रतिक्रिया
नोबेल मेडिकल कलेज छैटौँ पटक उत्कृष्ट करदाता सम्मानबाट सम्मानित
रुसी खगोल विज्ञान ओलम्पियाडमा एभरेस्टकी स्नेहालाई कांस्य
सुनसरीलाई सीसीटीभी निगरानीमा राख्ने योजना, २५० वटा जडान गरिँदै
दानबहादुर कार्कीको रिटमा बुधबार सर्वोच्चमा सुनुवाइ हुँदै
विराटनगरमा राति २ बजेसम्म व्यवसाय खोल्न पाइने, अनुमति प्रक्रिया सुरु
भारतीयका परिवार नै मिलेर नेपालमा लागुऔषध ‘सप्लाई’ : मोरङको रंगेलीबाट बुवा, आमा र छोरा पक्राउ
थाइल्यान्डमा एक भवनमा भीषण आगलागी, ११ जनाको मृत्यु
‘साउदीको अमेजनका गोदाममा नेपालीसहितका श्रमिक शोषणमा’
मोरङमा सेप्टिक ट्यांकीभित्र बालकको शव फेला
राजबहादुर शाह सर्वाधिक व्यक्तिगत करदाता घोषित
© 2024 Muluki Khabar. All Rights Reserved. Design & Develop By: Indesign Media Pvt. Ltd.