बैंकिङ कसुरको उजुरीपछि चर्चित सेफ सन्तोष साह पक्राउ

काठमाडौं । चर्चित नेपाली सेफ सन्तोष साह पक्राउ परेका छन् । उपत्यका अपराध अनुसन्धान कार्यालय टेकुको टोलीले उनलाई शुक्रबार राति पक्राउ गरेको हो ।

बैंकिङ कसुरसम्बन्धी परेको उजुरीका आधारमा अनुसन्धानका लागि उनलाई जनकपुरबाट नियन्त्रणमा लिइएको प्रहरीले जनाएको छ । प्रहरीले घटनाका बारेमा थप अनुसन्धान अघि बढाइएको जनाएको छ ।

Advertisement

पक्राउसँग सम्बन्धित अन्य विवरण भने हालसम्म सार्वजनिक गरिएको छैन । सन्तोष साह नेपाली तथा अन्तर्राष्ट्रिय पाककलाका क्षेत्रमा परिचित छन् ।

बैंकिङ कसुरसम्बन्धी उजुरीपछि पक्राउ परेपछि उक्त विषयले सार्वजनिक चासो समेत बढाएको छ । प्रहरीले अनुसन्धानबाट प्राप्त तथ्यका आधारमा आवश्यक कानुनी प्रक्रिया अघि बढाइने जनाएको छ ।