२०८३ असार २, मंगलबार १८:१६
धरान । सुनसरीको धरान उपमहानगरपालिका–१७ त्रिवेणी चोकमा प्रहरीले ठुलो परिमाणमा लागुऔषध गाँजा बरामद गरेको छ ।
धरान–१७ का ३५ वर्षीय प्रकाश राईको घरबाट प्रहरीले ६४ केजी गाँजा बरामद गरेको प्रहरीले जनाएको छ । विशेष सूचनाको आधारमा जिल्ला प्रहरी कार्यालय सुनसरी र इलाका प्रहरी कार्यालय धरानको संयुक्त टोलीले राईको घरमा छापा मारेको थियो ।
घर तथा वरपर खानतलासी गर्ने क्रममा घरको पछाडि रहेको शौचालयभित्र प्लास्टिकको पोकामा लुकाइछिपाई राखिएको अवस्थामा उक्त परिमाणको गाँजा फेला परेको प्रहरीले जनाएको छ ।
प्रहरी टोली पुग्नु अगावै घरधनी प्रकाश राई फरार भएकाले उनको खोजी कार्य तीव्र पारिएको छ । बरामद गरिएको गाँजालाई इलाका प्रहरी कार्यालय धरानमा ल्याइएको छ । घटनाका सम्बन्धमा थप अनुसन्धान भइरहेको र फरार राईको पहिचान भइसकेकाले छिट्टै नियन्त्रणमा लिइने प्रहरीले जनाएको छ ।
इमेल: [email protected]
ठेगाना: विराटनगर–२
मोबाइल नं. : ९८१९३३६४१६, ९८५२०५१७६५, ९८०७०१४०८१
कम्पनी रजिष्ट्रार दर्ता नं. : ३५०५५२–८१/८२
सूचना विभाग दर्ता नं. : ४६८३–२०८१/२०८२
सम्पादक : किशोर बुढाथोकी