२०८३ श्रावण २३, शनिबार १७:२०
विराटनगर । लागुऔषध ब्राउन सुगरसहित प्रहरीले विराटनगरबाट एक जनालाई पक्राउ गरेको छ । लागुऔषध नियन्त्रण ब्युरो विराटनगरको टोलीले विराटनगर महानगरपालिका– १५ बाट ब्राउन सुगरसहित स्थानीय ३१ वर्षीय महमद हुसेनलाई पक्राउ गरेको प्रहरीले जनाएको छ ।
प्रहरीका अनुसार हुसेनलाई लागुऔषध ब्राउन सुगर बिक्री गरिरहेको अवस्थामा फेला पारेको हो । लागुऔषध कारोबारमा संलग्न गिरोहहरूको निगरानी गर्ने क्रममा हुसेनका साथबाट प्रहरीले १०० ग्राम ६०० मिलिग्राम ब्राउन सुगर र एक थान मोबाइल बरामद गरेको छ ।
पक्राउ परेका हुसेनलाई आवश्यक अनुसन्धान तथा कानुनी कारबाहीका लागि इलाका प्रहरी कार्यालय रानीमा बुझाइएको छ । प्रहरीले यस कारोबारमा अन्य गिरोहको संलग्नताबारे पनि अनुसन्धान अघि बढाएको प्रहरीले जनाएको छ ।
इमेल: [email protected]
ठेगाना: विराटनगर–२
मोबाइल नं. : ९८१९३३६४१६, ९८५२०५१७६५, ९८०७०१४०८१
कम्पनी रजिष्ट्रार दर्ता नं. : ३५०५५२–८१/८२
सूचना विभाग दर्ता नं. : ४६८३–२०८१/२०८२
सम्पादक : किशोर बुढाथोकी