
काठमाडौँ । साताको पहिलो दिन आइतबार नेपाली बजारमा सुनको मूल्य उकालो लागेको छ। नेपाल सुनचाँदी व्यवसायी महासंघका अनुसार आज सुनको मूल्य प्रतितोला ६ सय रुपैयाँले बढेको हो।
नयाँ मूल्य अनुसार छापावाल सुन प्रतितोला २ लाख ७७ हजार ८ सय रुपैयाँ कायम भएको छ। यसअघि गत शुक्रबार सुन प्रतितोला २ लाख ७७ हजार २ सय रुपैयाँमा कारोबार भएको थियो। त्यस्तै, आज प्रति १० ग्राम छापावाल सुनको भाउ २ लाख ३८ हजार १ सय ७० रुपैयाँ तोकिएको छ।
सुनको भाउ बढ्दा चाँदीको मूल्यमा भने गिरावट आएको छ। आज चाँदी प्रतितोला २० रुपैयाँले घटेर ५ हजार ६ सय २५ रुपैयाँमा झरेको छ। शुक्रबार चाँदी प्रतितोला ५ हजार ६ सय ४५ रुपैयाँमा किनबेच भएको थियो। आज १० ग्राम चाँदीको भाउ ४ हजार ८ सय २३ रुपैयाँ कायम गरिएको छ।

























