निर्वाचन उत्साहले सेयर बजारमा चमक: नेप्से ३१ अंकले बढ्दा ८ अर्ब ४० करोडको कारोबार

Share this
651shares
मुलुकी खबर
मुलुकी खबर
clock२०८२ माघ ४, आइतबार १६:५८

काठमाडौं । मुलुकमा प्रतिनिधिसभा निर्वाचनको सरगर्मी बढेसँगै सेयर बजारमा आइतबार उत्साहजनक सुधार देखिएको छ। साताको पहिलो कारोबार दिन नेपाल स्टक एक्सचेन्ज (नेप्से) परिसूचक ३१.१२ अंकले बढेर २६७२.५५ विन्दुमा पुगेको छ।

आगामी फागुन २१ गते हुने निर्वाचनका लागि राजनीतिक दलहरूले उम्मेदवार घोषणा गर्न थालेपछि लगानीकर्तामा चुनावी उत्साह देखिएको हो। बजार खुलेदेखि नै हरियो रहेको नेप्सेमा कारोबार रकम पनि अघिल्लो सत्रको तुलनामा उल्लेख्य बढेको छ। गत बिहीबार ६ अर्ब २० करोडको सेयर किनबेच भएकोमा आज २ करोड १५ लाख कित्ता सेयर खरिदबिक्री हुँदा ८ अर्ब ४० करोड रुपैयाँको कारोबार भएको छ।

आज बजारमा कारोबार भएका १३ वटै उपसमूहका सूचकहरू बढेका छन्। जसमा फाइनान्स समूह सबैभन्दा धेरै ५.७३ प्रतिशतले उकालो लागेको छ। यस्तै विकास बैंक ३.०३, उत्पादन तथा प्रशोधन २.४२ र होटल तथा पर्यटन २.०२ प्रतिशतले बढेका छन्।

बजारमा आज २२४ कम्पनीको सेयर मूल्य बढ्दा ४ वटा कम्पनीमा सकारात्मक सर्किट लागेको छ। १० प्रतिशतले मूल्य बढ्ने कम्पनीहरूमा सागर डिस्टिलरी, उन्नति सहकार्य लघुवित्त, श्रीनगर एग्रिटेक र गोर्खाज फाइनान्स रहेका छन्। अर्कोतर्फ, ३१ वटा कम्पनीको मूल्य घट्दा थ्रीस्टार हाइड्रोपावरका लगानीकर्ताले सबैभन्दा धेरै ८.७८ प्रतिशत गुमाएका छन्।

कारोबार रकमका आधारमा आज मञ्जुश्री फाइनान्स ५३ करोड १६ लाख रुपैयाँसहित शीर्ष स्थानमा रह्यो। यस्तै एसवाई प्यानल, श्रीनगर एग्रिटेक, बन्दीपुर केबुलकार र राधि विद्युत् कम्पनी पनि धेरै कारोबार हुने कम्पनीको सूचीमा परेका छन्।

तपाइको प्रतिक्रिया
शीर्ष नेताको सम्बोधन, रित्तो दर्शक दीर्घा: मोरङमा कांग्रेस इतर पक्षको अधिवेशन
बहिरा फुटबल टोली दक्षिण कोरिया जाने
मत्स्यपोखरीमा चार दिन पर्यटन, संस्कृति र साहित्यको उत्सव
राप्रपामा अध्यक्षका लागि आधा दर्जन नेताको दौडधुप, लिङ्देनलाई चुनौती
लुम्बिनीले टस जितेर बलिङ रोज्दा सुदूरपश्चिम पहिले ब्याटिङ गर्दै
विराटनगरमा कर दिवस मनाइयो, करदातामैत्री प्रणालीमा जोड
प्रहरीको नाममा भ्रामक सूचना फैलाउने दुई जना नियन्त्रणमा पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
नोबेल मेडिकल कलेज छैटौँ पटक उत्कृष्ट करदाता सम्मानबाट सम्मानित
रुसी खगोल विज्ञान ओलम्पियाडमा एभरेस्टकी स्नेहालाई कांस्य
© 2024 Muluki Khabar. All Rights Reserved. Design & Develop By: Indesign Media Pvt. Ltd.