व्यवहारिक सीपलाई कानुनी मान्यता दिने तयारी: माघ १२ गतेदेखि आवेदन खुल्ने

Share this
758shares
मुलुकी खबर
मुलुकी खबर
clock२०८२ माघ ७, बुधबार १४:०७

विराटनगर । उद्योग र श्रम बजारको माग अनुसार दक्ष जनशक्ति विकास गर्ने उद्देश्यले सुन्दरहरैँचाको विराटचोकमा ‘पूर्व सिकाइको मान्यतामा आधारित सीप परीक्षण तथा नयाँ पेशा पहिचान’ सम्बन्धी परामर्श कार्यशाला सम्पन्न भएको छ। उद्योग संगठन मोरङको आयोजना र सुन्दरहरैँचा उद्योग वाणिज्य संघको समन्वयमा मंगलबार सो कार्यक्रम भएको हो।

कार्यशालामा उद्योग संगठन मोरङका अध्यक्ष नन्दकिशोर राठीले वर्षौँदेखि काम गरेर व्यवहारिक सीप हासिल गरेका धेरै श्रमिकहरू औपचारिक प्रमाणपत्र नहुँदा अवसरबाट वञ्चित भइरहेको बताए। उनले पूर्व सिकाइको मान्यता (आरपिएल) प्रणालीमार्फत यस्ता जनशक्तिलाई कानुनी प्रमाणपत्र दिलाउन सके उद्योगहरूले पनि दक्ष श्रमिक सहजै पाउने विश्वास व्यक्त गरे।

सुन्दरहरैँचा उद्योग वाणिज्य संघका अध्यक्ष नारायण कार्कीले उद्योगले खोजेको र श्रमिकसँग भएको सीपबीचको खाडल पुर्न यस्तो प्रमाणीकरण आवश्यक रहेकोमा जोड दिए। कार्यक्रममा सिटीईभीटी कोशी प्रदेशका उपनिर्देशक दुर्गाप्रसाद ओझाले अनुभवी तर अप्रमाणित श्रमिकहरूलाई प्रमाणपत्र प्रदान गर्दा उनीहरूको आत्मविश्वास बढ्ने र उद्योगको उत्पादकत्वमा समेत सुधार आउने बताए।

कोशी प्रदेश सामाजिक विकास मन्त्रालयकी शैक्षिक योजना तथा अनुसन्धान महाशाखा प्रमुख लक्ष्मी न्यौपानेले स्थानीय तहमा रोजगारी सिर्जना गर्न उद्योगमैत्री र व्यवहारिक सीप विकासका लागि सबै सरोकारवाला मिल्नुपर्ने औँल्याइन्। कार्यक्रमका सहजकर्ताहरू रामप्रसाद सापकोटा र अजिप चापागाईँले श्रम बजारको माग अनुसार सीपको विकास र कार्यान्वयन आजको आवश्यकता भएको बताए।

विभिन्न पेसामा आबद्ध श्रमिकहरूको सहभागिता रहेको यस कार्यक्रममा सीप परीक्षणका लागि आगामी माघ १२ गतेदेखि आवेदन फारम खुल्ने जानकारी दिइएको छ। इच्छुक व्यक्तिले सिटीईभीटी, एनएसटीबी र सामाजिक विकास मन्त्रालय कोशी प्रदेशको वेबसाइटबाट फारम प्राप्त गर्न सक्ने उद्योग संगठन मोरङले जनाएको छ।

तपाइको प्रतिक्रिया
शीर्ष नेताको सम्बोधन, रित्तो दर्शक दीर्घा: मोरङमा कांग्रेस इतर पक्षको अधिवेशन
बहिरा फुटबल टोली दक्षिण कोरिया जाने
मत्स्यपोखरीमा चार दिन पर्यटन, संस्कृति र साहित्यको उत्सव
राप्रपामा अध्यक्षका लागि आधा दर्जन नेताको दौडधुप, लिङ्देनलाई चुनौती
लुम्बिनीले टस जितेर बलिङ रोज्दा सुदूरपश्चिम पहिले ब्याटिङ गर्दै
विराटनगरमा कर दिवस मनाइयो, करदातामैत्री प्रणालीमा जोड
प्रहरीको नाममा भ्रामक सूचना फैलाउने दुई जना नियन्त्रणमा पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
नोबेल मेडिकल कलेज छैटौँ पटक उत्कृष्ट करदाता सम्मानबाट सम्मानित
रुसी खगोल विज्ञान ओलम्पियाडमा एभरेस्टकी स्नेहालाई कांस्य
© 2024 Muluki Khabar. All Rights Reserved. Design & Develop By: Indesign Media Pvt. Ltd.